Ribadeo, 25 de xuño de 2020. A Asociación de Comerciantes, Industriais, Servizos e Autónomos (ACISA) de Ribadeo pide responsabilidade fronte ao coronavirus aos veciños e veciñas e tamén ás persoas que nos visitan para evitar contaxios que poderían ocasionar un novo confinamento.
O presidente de ACISA Ribadeo, Francisco Iriarte, considera que “é imprescindible que todos os veciños e veciñas do municipio así como as persoas que nos visitan actúen con moita responsabilidade fronte ao Covid-19 para evitar contaxios que poderían ocasionar un novo confinamento, o que causaría importantes danos”.
Francisco Iriarte engade: “facemos un chamamento á responsabilidade de todos e solicitamos a colaboración dos responsables dos diferentes establecementos, tanto comerciais coma hostaleiros, para que eviten aglomeracións de xente. E aos clientes pedímoslles que manteñan sempre as distancias de seguridade e que sigan as recomendacións dos locais en canto ás medidas hixiénicas e o uso de mascarillas. Hai que poñer todos os medios para evitar contaxios porque senón corremos o risco de volver a unha fase anterior, como está sucedendo noutros lugares, o que tería consecuencias gravísimas para Ribadeo”.
O presidente de ACISA sinala que “despois de 3 meses de estado de alarma, de semanas moi duras de confinamento total, de ter pechados os locais hostaleiros e tamén os comercios, non podemos permitirnos unha volta atrás. Iso ocasionaranos uns danos irreparables tanto para a imaxe de Ribadeo, da súa hostalería e do seu comercio, como para a economía local. Perdemos a Semana Santa, as pontes festivas, a campaña de primavera, intentemos entre todas e todos salvar o verán e gozar da gastronomía, da paisaxe, do paseo polas nosas rúas, das terrazas… pero fagámolo con sentidiño. O Covid-19 levou por diante moitas vidas e moitos postos de traballo, sexamos responsables para que isto non volva ocorrer. Está nas nosas mans”.
ACISA enviou hoxe un comunicado aos seus asociados e asociadas facendo un chamamento á responsabilidade e ao cumprimento das normas nos seus negocios. A asociación repartirá novos elementos informativos nos vindeiros días “co obxectivo que non baixemos a garda”.
ACISA Ribadeo pide responsabilidade fronte ao coronavirus a veciñ@s e visitantes para evitar contaxios e un novo confinamento
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
