Ribadeo, a 17 de xuño de 2020. O voceiro do Grupo Municipal Popular de Ribadeo e deputado autonómico, Daniel Vega, denuncia “o descaro” do alcalde ao apropiarse dunha axuda da Xunta de Galicia. Así se pode comprobar como dende a entidade local se adapta o deseño do bono coidado extraordinario para a infancia que vén de facer público a administración autonómica para aparentar que se trata dunha medida que impulsa o Concello.
“Estamos realmente sorprendidos pola acción do goberno local. Intenta facer súa estas axudas de 500 euros ao mes cos que os proxenitores poden pagar os servizos dun coidador a domicilio ou compensar o pase a unha situación de excedencia ou redución de xornada dende a declaración de emerxencia sanitaria ata a reapertura dos centros educativos”. Isto é, afirma Vega, “cando menos, unha falta de decencia institucional e incluso enganar á cidadanía e a todos eses pais e nais que se poden acoller a esta medida e que de seguro agradecen a vontade colaboradora da Xunta, coa que se favorece a conciliación”.
“Quedou retratado”
Dende o Grupo Municipal do PP consideran, por tanto, que o rexedor “quedou retratado” e pídenlle que actúe con “máis humildade, respecto, transparencia e se deixe deste tipo de artimañas”. Tal é así que agardan que o rexedor modifique as publicacións como a referida, respectando a administración de quen veñen, e non volva a facer o mesmo con vindeiras axudas que saque ou poña en marcha a Xunta de Galicia.
Usar a crise para sacar rédito político
Daniel Vega afea así ao titular municipal que, con esta operación, se pretenda sacar rédito político, cando o que debe de primar nestes momentos, manifesta, é a colaboración e a lealdade institucional. “Nunha época como a que estamos a vivir, todos os grupos políticos temos que traballar na mesma dirección. Aquí ninguén sobra, pois o que realmente importa é a saúde e a recuperación socioeconómica logo de meses de tanta incerteza. Seguir facendo o que fixo o alcalde é, a todas luces, un despropósito e un intento de usar algo tan serio como a crise sanitaria e a colaboración e o traballo doutras administracións para obter un beneficio partidista. Dende logo, os populares nin o faríamos, nin o imos a permitir”, insiste.
Apoio ao plan económico do PP
Con todo, Daniel Vega anima ao goberno local “a dotar de orzamento e a ter vontade de sacar adiante” o plan de recuperación económica que presentou o PP, e que foi apoiado en Pleno só polo PSOE, quedando finalmente rexeitados polos votos en contra do BNG. “Esta si que sería unha boa maneira de actuar e de axudar aos ribadenses e non apropiándose de axudas que non dá o Concello. Presentámolo, ademais, con total humildade e con ganas de consensuar con toda a Corporación. Por iso, queremos dar as grazas ao Partido Socialista que si soubo entender que temos que estar todos xuntos. Dende logo, nin entendemos a actitude do BNG nin a do alcalde”, conclúe.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
