Madrid, 3 de xuño 2020. O portavoz do BNG no Congreso, Néstor Rego, durante a quenda de preguntas o Presidente, denunciou a situación de crise que están a vivir os traballadores e traballadoras de Alcoa San Cibrao ante o posíbel fechamento da factoría de Aluminio. O deputado inquiriu a Sánchez polas medidas que pensa adoptar o Goberno para enfrontar a crise económica e industrial que está a sufrir o noso país. “A crise social e económica provocada pola emerxencia sanitaria superponse na Galiza a unha crise industrial profunda que afecta especialmente -mais non só- á industria electrointensiva” subliñou.
O BNG advertiu desde un primeiro que o feche da planta de Aluminio podería supoñer un impacto económico negativo e profundo na comarca da Mariña. Rego salientou que “o Goberno español coñece desde hai tempo a delicada situación da industria electrointensiva na Galiza, e aínda non aprobou o Estatuto do Consumidor Electrointensivo”.
Os nacionalistas ven necesario pór en marcha solucións que dean estabilidade ao sector e ao conxunto da nosa industria. Por esta razón, o deputado Néstor Rego propuxo que en primeiro lugar, “é preciso establecer unha Tarifa Eléctrica Galega que permita rebaixar considerablemente o custo da enerxía, porque Galiza é produtora excedentaria, pagamos os elevadísimos custos sociais e ambientais dun deseño que nós non realizamos, mais non nos beneficiamos desa condición de país produtor”. Neste momento as familias e as empresas galegas, pagan máis pola electricidade que en Madrid, onde consomen enerxía galega a 600 km de distancia.
En segundo lugar, o BNG ve necesario intervir para salvar a actividade e os postos de traballo en Alcoa. Os nacionalistas suxiren que se a dirección persiste na súa decisión de pechar, a única alternativa é nacionalizar a empresa. Hai que recordar que xa foi pública e que nunca debeu ser privatizada. “Retornar Alcoa ao sector público, estabelecer unha Tarifa Eléctrica Galega que permita as nosas empresas ser máis competitivas e un plan para reindustrializar Galiza é hoxe unha necesidade perentoria” salientou Néstor Rego.
Posición do BNG ante a prórroga do estado de alarma
Néstor Rego trasladou a preocupación de moitos alcaldes e alcaldesas están denunciando con preocupación a presenza crecente e masiva de persoas foráneas nas vilas de toda a costa galega que “chegan sen ningún tipo de restrición e que representan un risco importante de rebrotes para a poboación galega porque, maioritariamente proceden de Comunidades que están aínda na Fase 1”.
Hai quince días o BNG suxeriu a necesidade de permitir a mobilidade interprovincial dentro do noso país sempre que as provincias estivesen na mesma fase, unha división territorial anacrónica e centralista que non responde á realidade social, mais resulta indignante que os galegos e galegas non podan visitar aos seus familiares se están noutra provincia -inclusive cando iso só representa cruzar unha ponte sobre un río, como entre Padrón e Cesures- e que “no entanto se permita a mobilidade irregular cando pode representar un importante risco sanitario” destacou o deputado nacionalista.
Néstor Rego lembroulle ao Goberno que “no seu día, evidente que por razóns políticas e económicas porque as sanitarias eran indiscutíbeis, non quixeron fechar Madrid e con iso provocaron a centrifugación do contaxio e a súa chegada e expansión pola Galiza” e inquiriu se agora o controlarán para que isto non volva a reproducirse.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
