Viveiro, 6 de xuño de 2020. O Concello de Viveiro aprobou no pleno os orzamentos municipais para o exercicio 2020, unhas contas basicamente sociais nas que a necesidade de adoptar medidas extraordinarias para paliar as consecuencias da crise do Covid-19 foron determinantes para a súa elaboración.
O volume total do orzamento é similar ao de ano anterior, pero a situación actual fixo necesario realizar un reaxuste para facer fronte ás medidas extraordinarias referidas. Como consecuencia desta situación, no ámbito sanitario, o concello viuse obrigado a adquirir EPIs, mascarillas ou material desinfectante, así como a instalar mamparas, entre outras moitas medidas.
En canto á crise económica derivada da pandemia, o orzamento deste exercicio inclúe unha serie de partidas especialmente destinadas a axudar aos colectivos máis afectados por esta situación, entre as que destaca unha liña de axudas, por importe de 400.000 euros, dirixidas aos titulares de empresas que se viron obrigadas a cesar a súa actividade con motivo do estado de alarma.
Fíxose, asemade, unha redistribución de importes, destinando a estas medidas cantidades que noutras anualidades se viñan destinando a eventos e actividades canceladas con motivo desta crise.
Grazas a estes reaxustes e redistribución de cantidades, conseguíronse uns orzamentos reais nos que, sen subir os impostos, se garante a prestación dos servizos públicos e se manteñen os apoios que este concello viña brindando ao tecido asociativo e clubes deportivos.
É necesario facer fincapé neste cuestión e deixar claro que, a pesar dos reaxustes necesarios, o Concello de Viveiro continuará prestando todos os seus servizos e que no orzamento 2020 se manteñen as axudas a asociacións e clubes deportivos.
Con respecto a estas axudas, cabe destacar que o importe total destinado a subvencións nominativas ascende a 108.600 euros. Desta cantidade, un total de 50.600 euros concederanse a clubs deportivos para sufragar gastos desta temporada.
Ás asociacións de comerciantes do municipio outorgaránselle axudas para a realización de campañas dirixidas á activación do comercio, sendo esta unha das medidas incluídas no Plan de Reactivación Económica. Ademáis, tamén se concederán axudas directas a outras asociacións do municipio, como poden ser a Banda de Música o Landro de Viveiro, para contribuír ao mantemento da nosa banda, ou a Asociación de Familiares de Enfermos de Alzheimer, pola gran labor que realiza e que nesta pandemia pasou por un momento de dificultade ao ter que pechar o seu centro.
En definitiva, o Concello de Viveiro vén de aprobar un presuposto real e axustado, no que sen subir os impostos aos veciños e veciñas, aos cales agradecemos o esforzo que ano tras ano realizan para poder manter os servizos demandados, e a pesar da redución de ingresos (polas taxas que se deixarán de percibir polos servizos non prestados durante o estado de alarma ou pola instalación de terrazas, que non se cobrarán), se manterán os servizos públicos e de protección social e se rebaixará a débeda, e tamén como indicamos se axudará ás asociacións e clubes deportivos.
Finalmente, dende o Concello de Viveiro quérese agradecer aos concelleiros de Por Viveiro e Son Viveiro polo seu voto favorable para a aprobación destes orzamentos.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
