Ribadeo, 23 de xuño de 2020. O alcalde, Fernando Suárez, anunciou que a Deputación Provincial de Lugo levará a cabo actuacións en varios camiños tanto da costa como do interior. O parque móbil realizará melloras neses viarios durante un mes. O rexedor pide precaución aos condutores e agradece que o presidente da institución provincial cumpra co compromiso anunciado hai un tempo para Ribadeo.
Suárez Barcia dixo que “cumprindo o compromiso que o presidente da Deputación fixo, aquí en Ribadeo hai uns meses, nestes días chegou o parque de maquinaria da Deputación Provincial de Lugo e estará facendo actuacións de mellora, de rebacheo e de amaño de diferentes camiños municipais, tanto nas parroquias de costa como nas do interior. Estará por un período de un mes”.
O alcalde sinalou que “facemos esta comunicación, desde o punto de vista informativo, para falar das precaucións que teñen que ter os condutores porque vai haber algunhas vías que, por mor destas obras, estean pechadas ao tráfico durante un tempo e deberán buscar treitos alternativos”.
O rexedor engadiu que “esta actuación que a Deputación de Lugo está facendo aquí en Ribadeo é moi importante, porque se ben é certo que nestes últimos anos fixemos moitos camiños, aglomeráronse e amañáronse, temos unhas vías municipais moi extensas, moitos quilómetros, e toda axuda é pouca para telas nun estado óptimo de conservación e mantemento”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
