Foz a 25 de xuño de 2020. O Partido Popular de Foz solicitará este xoves no pleno ordinario que se implemente en maior medida que a que o propón o Bipartito local as cuantías da ordenanza de emerxencia social posto que entendemos é insufiente podendo usar o aforro na partida de festas que prematuramente anunciaron non se ían realizar debido aos riscos de contaxio do COVID19.
Castiñeira recorda o inmobilismo do goberno local que a pesares da súa folgada maioría aínda non aprobou os orzamentos do 2020 e sigue cos orzamentos prorrogados que aprobaron PP e FPF e que socialistas e nacionalistas botaron en contra pero que afortunadamente si contiñan unha partida de emerxencia social a pesares de non existir a pandemia que agora nos azouta.
Creemos que esta pequena modificación que o goberno propón da ordenanza para pasar o tope anual máximo de 600 a 1000 euros aparte de ser insuficiente é resultado do cargo de conciencia do goberno local por votar en contra do Plan Poscovid de axudas proposto polo PP no pleno pasado de 500.000 €.
Por outro lado o Partido Popular de Foz presenta dúas mocións nas que solicitan en primeiro lugar a reparación das estradas municipais paralelas á vía do tren en Cangas e Nois, posto que son as que peor están nestes momentos despois de que o anterior goberno popular arranxase a maioría das vías principais destas parroquias nos últimos anos a cargo dos orzamentos municipais e de diversos planes con pactados con Xunta e Deputación.
E en segundo Lugar os populares focenses solicitamos que Costas retome o dragado solicitado polo anterior goberno do canal de desembocadura do río Ouro que está estrangulado por bancos de area a ambos lados e é unha demanda da propia asociación de veciños presidida por Raul Rio que innumerables veces denuciou a perigosidade desta situación poñendo de exemplo a ola xigante en xaneiro do 2018.
Ao remate, o partido popular usando o seu turno de rogos, debido as queixas que presentan os veciños pedirá ao bipartito o arranxo das innumerables fochancas no núcleo urbano e o repintado de pasos de cebra, a mellora da iluminación do parque do campo da cabana e que se reclame a feve o rozado de zonas da súa propiedade.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
