A Mariña, 23 de xullo de 2020. Mañá, 24 de xullo, arrinca a campaña #DegustaAMariña coa que a FCAM e a Mancomunidade de Concellos queren render homenaxe ás festas gastronómicas da comarca que este verán foron canceladas. A primeira protagonista será a pescada do pincho.
José Carlos Paleo, o presidente da FCAM, explicou que “deste xeito pretendemos render homenaxe a todas as festas gastronómicas que este verán se tiveron que cancelar pola pandemia do Covid-19. Queremos fomentar o consumo dos produtos de tempada desta zona que todos os bares, mesóns e restaurantes teñen nas súas cartas, xa sexa como tapas, como racións ou como pratos”.
Paleo subliñou que “coa campaña #DegustaAMariña queremos animar á xente da comarca e aos turistas que nos visitan durante este verán a saborear e a disfrutar da pescada do pincho, do bonito, do marisco, dos produtos da horta mariñá, da tenreira galega, do peixe do día. O que tentamos é potenciar o seu consumo durante as fins de semana ata finais de agosto. E que cada persoa que deguste pescada, bonito, marisco, etc… colgue as súas fotos en Instagram empregando o hastag #DegustaAMariña e describa brevemente a súa experiencia gastronómica”.
O presidente da FCAM lembrou que “os hostaleiros tamén están a subir as súas imaxes a Instagram para que a xente saiba que vai poder atopar en cada local”.
E insistiu en que “deste xeito queremos potenciar ao máximo o consumo dos produtos de tempada que se poden saborear na hostalería local, difundindo as diferentes elaboracións e contornas para atraer á clientela tanto de A Mariña como aos turistas que están pola zona”.
A pescada do pincho será a protagonista desta fin de semana na hostalería da Mariña, do 24 ao 26 de xullo. José Carlos Paleo animou “a mariñáns e visitantes a achegarse aos bares, mesóns e restaurantes da nosa comarca e a degustar as variadas preparacións de pescada que poderán atopar nas súas cartas”.
A campaña #DegustaAMariña prolongarase ata finais do vindeiro mes de agosto. Colaboran coa FCAM: a Mancomunidade de Concellos da Mariña, a Xunta de Galicia e a Deputación de Lugo.
Coa pescada do pincho arrinca este venres a campaña #DegustaAMariña coa que a FCAM e a Mancomunidade queren render homenaxe ás festas gastronómicas da comarca que este verán foron canceladas
Relacionado
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
