Burela, 23 de xullo de 2020. O Concello de Burela anunciará a vindeira semana os actos que se organizarán o primeiro fin de semana de agosto, datas nas que tería que terse celebrado a Feira do Bonito. O mércores terá lugar unha nova reunión con Ledicia para ultimar e anunciar os eventos que se levarán a cabo.
O alcalde, Alfredo Llano, sinalou que “o próximo mércores faremos unha xuntanza de novo con Ledicia, xa tivemos dúas, para decidir os actos que imos realizar co fin de lembrar a Feira do Bonito e Produart”.
O rexedor adiantou que “o sábado, día 1 de agosto, imos facer un evento no barco museo que vai consistir en izar a bandeira azul e nunha homenaxe aos mariñeiros en xeral e ao bonito en particular”.
Llano comentou que “imos decidir varios actos que faremos públicos o vindeiro mércores. Faremos algo relacionado co mundo do mar e coa pesca do bonito. Trataremos de involucrar á hostalería, faremos exposicións da cartelería que leva feita Ledicia da Feira e algo máis que estamos ultimando”.
O alcalde burelés engadiu: “queremos animar á xente e lembrar que estaríamos celebrando a Feira do Bonito. Dalgunha maneira farémolo aínda que sexa a menor escala”.
O Concello de Burela e Ledicia presentarán a vindeira semana os actos que se levarán a cabo nas datas nas que tería que terse celebrado a Feira do Bonito
Relacionado
-
O Concello de Viveiro lembra as normas de seguridade e convivencia para a Romaría do Naseiro, que comeza este venres
-
Ribadeo vive unha fin de semana gastronómica con catro grandes citas: Feira do Mel, Festa da Ría, Carne ao Caldeiro e Mercado do Camiño
-
As Festas Patronais de Xove chegan con cinco días de música, tradición e actividades para todos os públicos
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
