Burela, 23 de xullo de 2020. O alcalde, Alfredo Llano, salientou que seguen baixando os casos de coronavirus, que nas últimas vintecatro horas pasaron de 41 a 24. O rexedor dixo que continuarán pechados os parques, as prazas e lugares públicos da vila ata o mércores da vindeira semana.
Alfredo Llano declarou que “hoxe tamén vemos que seguimos na mesma liña e que vai avanzando en positivo en Burela e no conxunto da Mariña. En Burela hoxe baixamos 17 casos positivos, tíñamos 41 e pasamos a 24. É moi importante e anima, sobre todo, porque a vinculación co brote está localizada e controlada. Imos continuar nesta liña, imos seguir pedindo a colaboración e a cooperación da xente que realmente é quen debe influír nesta situación porque tíñamos que ter confianza e dar confianza e desde logo traballar todos na mesma dirección para que cheguemos a cero o antes posible”.
O alcalde sinalou que “hai que ter en conta que entre todas as medidas que se publicaron no DOG e entraron hoxe en vigor, está a mobilidade, que era moi importante sobre todo para Burela porque era o único concello que estaba aínda sen aplicala. Tivemos en total 17 días de confinamento. Penso que isto debe ser unha lección para aprender e desde logo agradecer o traballo inmenso realizado desde o Hospital para favorecer a realización das PCR e o seguimento dos casos que tamén se levou desde o Concello para lograr, a través do traballo conxunto, romper a cadea de contaxios deste brote”.
Llano engadiu que “soamente cambiou a mobilidade e o horario dos establecementos. O resto segue vixente, por exemplo os aforos, as distancias, as reunións da xente cun máximo de dez persoas e o comportamento nas praias. Ata o mércores que ven non vai cambiar esta situación. En Burela queremos non dar ningunha oportunidade de contaxio en ningún lado, así que van seguir pechados os parques, as prazas e aqueles lugares públicos que vexamos que poden favorecer os contaxios”.
Petición de axudas formais
O alcalde de Burela anunciou que “tal como quedamos o outro día coa Acia imos facer unha petición formal á Deputación, á Xunta de Galicia e máis ao goberno central de axudas aos comerciantes, aos autónomos e ás Pemes de Burela. A ver se dan o seu resultado, se non cae en saco roto e dalgunha maneira podemos premiar o sacrificio que fixo moita xente ao longo destes días”.
En Burela continúan baixando os casos de coronavirus. Este xoves rexístranse 24
Relacionado
-
A Deputación investirá 260.000 euros na mellora de dúas estradas clave de Burela
-
O Concello de Viveiro lembra as normas de seguridade e convivencia para a Romaría do Naseiro, que comezou este venres
-
Ribadeo vive unha fin de semana gastronómica con catro grandes citas: Feira do Mel, Festa da Ría, Carne ao Caldeiro e Mercado do Camiño
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
