Foz, 3 de xullo de 2020. O Concello de Foz colaborará coa Xunta de Galicia na loita contra o COVID-19 e pide datos oficiais diarios de contaxiados e confinados no municipio e máis recursos persoais e materiais para poder actuar. Así o manifestou o alcalde focense, Fran Cajoto, despois da reunión mantida hoxe, xunto con representantes doutros concellos da Mariña, co director xeral de Saúde Pública, Andrés Paz Ares.
Fran Cajoto explicou: “no día de hoxe participamos os concellos de Ribadeo, Viveiro, Cervo, Xove, Burela e Foz nunha reunión convocada pola Dirección Xeral de Saúde Pública da Consellería de Sanidade e presidida polo director xeral, Andrés Paz Ares, que nos comentou a normativa disposta e a necesidade da implicación dos concellos. Desde o Concello de Foz trasladamos á Dirección Xeral toda a nosa colaboración coas autoridades da Xunta de Galicia para seguir traballando na concienciación e na aplicación das medidas sanitarias necesarias para conter calquera posible rebrote de COVID-19. Ao respecto, comentamos unha serie de inquedanzas, moitas delas compartidas con outros concellos: a necesidade de dispor de datos oficiais diarios de contaxiados e confinados divididos por concellos; unha toma de liderado por parte da Xunta de Galicia coas medidas a aplicar na Mariña de Lugo en función da evolución dos datos de contaxiados; coordinación por parte da Xunta de Galicia, como autoridade sanitaria dos corpos e forzas de seguridade; dotación de recursos persoais e materiais por parte da Comunidade Autónoma para apoiar ás administración locais, que somos ás máis próximas aos veciños”.
O rexedor municipal focense engadiu: “sabemos da enorme dificultade que implica xestionar unha pandemia destas características, pero pedimos que neste momento, que todas as competencias sanitarias son autonómicas, a Xunta de Galicia tome o liderado para evitar novos casos de contaxiados. Neste sentido, desde o Concello de Foz queremos recoñecer o gran traballo que están a facer os sanitarios en todo momento e trasladar unha mensaxe de precaución na poboación pero non de alarma. Lembrar: distanciamento social e uso de mascarilla en todo momento, tamén na rúa. Con responsabilidade faremos fronte común entre todos”.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
