Burela, 23 de xullo, 2020. O Pescados Rubén Burela FS segue apostando pola Denominación de Orixe Galega. O pivote Diego Quintela Carril (Arzúa, 1991), procedente do Palma Futsal, reforzará o proxecto dirixido por Juanma Marrube para os dous próximos exercicios.
Formado na estrutura do Santiago Futsal, Quintela regresa á súa terra logo de catro tempadas, tras defenderoa FC Barcelona (2016-17) e o club insular (2017-20). “Tiña moita morriña e se podo competir ao máximo nivel e nun equipo preto da casa a situación é inmellorable. Creo que hoxe en día Pescados Rubén é o club que máis se adapta ás miñas prioridades tanto deportivas como persoais. Levo xogando moitos anos e competindo desde moi preto -na miña antiga etapa en Santiago- e é un club ao que sempre admirei pola súa seriedade, compromiso e ambición”, explicaba o novo 23 laranxa.
O pivote coruñés iniciará unha pretempada burelista certamente diferente o vindeiro luns, 27 de xullo, condicionada pola nova normalidade, converténdose no sétimo xogador galego do cadro, xunto Edu, Lucho, Iago Míguez, Álex Diz, Renato e Pitero, ademais de Kaluza, Matamoros e Eto’o. “Unha frase que me poño moito no meu estilo de vida é que non debo contar os días, teño que facer que os días conten. Son momentos difíciles pero, unidos e con forza, sairase desta” así mostraba Diego Quintela unha mentalidade sempre gañadora para superar todas as adversidades dentro e fóra da pistas.
“Burela é unha localidade tranquila e traballadora que vive o fútbol sala. Só hai que estar unha tarde e poderás atopar a varias persoas tomando café coa camiseta do equipo”, confesaba así as súas primeiras impresións o novo membro da Familia Laranxa.
Nos vindeiros días, poderemos coñecer máis de preto a Quintela, na presentación oficial.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
