Santiago de Compostela, 27 de agosto de 2020. O sector da Administración autonómica de CCOO de Galicia esíxelle á Consellaría da Presidencia «medidas urxentes» ante a sucesión de casos de COVID-19 detectados nos últimos días nos centros administrativos da Xunta. O sindicato tivo coñecemento —nunca de xeito oficial— de distintos gromos en instalacións públicas, tales como os servizos centrais da Xunta (San Caetano, en Santiago de Compostela), a residencia compostelá de Volta do Castro ou a Xefatura Territorial da Consellaría de Economía, Emprego e Industria da Coruña.
O sindicato segue «con preocupación» a situación, que se pode agravar en setembro co remate das vacacións de milleiros de traballadoras e traballadores públicos e coa fin da modalidade de teletraballo. CCOO lembra que o complexo administrativo de San Caetano é o maior centro de traballo de toda a Administración galega, con persoal procedente de toda Galicia. A situación, aínda que a menor escala, reproducirase nos edificios administrativos da Xunta en Ferrol, A Coruña, Lugo, Ourense, Pontevedra e Vigo.
Así mesmo, CCOO sinala que a meirande parte destes traballadores e traballadoras utiliza o transporte público para desprazarse desde os seus lugares de residencia, «o que aumenta o risco de expansión do virus en caso de contaxio».
Ante esta situación, e para evitar un posible agravamento, CCOO esíxelle á Xunta de Galicia información oficial sobre os casos diagnosticados nos últimos días, as medidas adoptadas ao respecto e a convocatoria «urxente» dos órganos de representación especializados en materia de saúde e seguridade laboral.
O sector da Autonómica tamén pide a realización de test PCR a todo o persoal da Xunta de Galicia, «como método máis fiable de prevención e control» e a dotación de máscaras para todo o persoal da Administración galega en función do nivel de risco de contaxio e non unicamente nos centros sociosanitarios.
CCOO tamén solicita a adopción de medidas para evitar a coincidencia masiva de persoas nos centros de traballo, así como reducir a presenza de persoal, especialmente onde non se poida garantir a distancia de seguridade. Neste punto, demanda a ampliación máis aló de setembro da modalidade de teletraballo, que resultou «moi efectiva» nos meses anteriores, non só polo volume de traballo efectivo realizado, senón tamén por reducir o número de traballadores e traballadoras nas instalacións.
Desde o sector da Autonómica de CCOO son conscientes de que «o que agora lle preocupa á Xunta é o comezo do curso escolar», pero estará «vixiante e traballando» para que a Administración non se esqueza de protexer a saúde do resto do seu persoal.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
