Burela, 22 de setembro de 2020. O alcalde, Alfredo Llano, e a concelleira de Servizos Sociais, Carmela López, mantiveron hoxe un encontro con familiares e representantes dos usuarios da residencia de maiores, que demandan a creación dun espazo ao aire libre nas inmediacións desas instalacións para que poida ser empregado polos residentes. O Concello facilitará a posta en marcha desa zona de entretemento.
O rexedor contou que “tiven o gusto e a oportunidade de falar coa xente que está movendo a cuestión de facer un espazo onde poidan saír ao aire libre os usuarios da residencia de maiores que temos aquí, en Burela”.
Llano explicou que “estivemos falando moito do tema e informeilles de que o Concello está pola labor de facilitar que se faga alí un patio ao que poidan saír en quendas ou como vexan os responsables da residencia. Eu xa teño falado coa delegada territorial deste tema e penso que hai interese polas dúas partes. Imos ver se concretamos e o facemos o antes posible, sempre dentro das posibilidades que ten o Concello, que desde logo ten a vontade de facilitar que se poida facer algo desa índole para lograr que polo menos as persoas usuarias teñen unha oportunidade de saír fóra con todas as garantías sanitarias e sociais”.
Para o alcalde “foi unha boa experiencia a conversa que tivemos esta mañá coas dúas representantes dos promotores desta iniciativa. Xa me comentaron que pediron sinaturas porque hai que entender esta necesidade e este problema e eu penso que todos estamos de acordo en buscar unha solución compartida e que mereza a pena”.
A edil de Servizos Sociais, Carmela López, dixo que “estas representantes dos usuarios e usuarias da residencia de maiores de Burela instan mediante un escrito e firmas recollidas en toda a vila a que a Xunta de Galicia faga unha solicitude de cesión de espazo ao Concello para poder habilitar unha zona ao aire libre”. A concelleira burelesa manifestou que “dende o Concello de Burela, estamos totalmente de acordo en facer esta cesión á Xunta de Galicia, da cal depende o centro, xa que nos parece moi necesaria non soamente nestes momentos, senón para o funcionamento habitual do mesmo”.
Alfredo Llano, Carmela López, e o concelleiro de Obras, Ramiro Fernández, cursaron unha visita á residencia de maiores de Burela acompañados da arquitecta municipal e do arquitecto técnico de obras para supervisar as instalacións e ver as posibilidades que se abren para afrontar esta demanda.
Alfredo Llano, e a concelleira de Servizos Sociais, Carmela López, mantiveron un encontro con familiares e representantes dos usuarios da residencia de maiores, que demandan a creación dun espazo ao aire libre
Relacionado
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
