Madrid, 16 de setembro de 2020.- O deputado nacionalista, Néstor Rego, instou o Goberno español a modificar con urxencia o contido do Real Decreto Lei 5/2020 -actualmente en tramitación como Proxecto de Lei- para permitir que as producións agropecuarias empreguen os datos sobre custos que se recollen nos estudos publicados por organismos oficiais para facilitar así a proba de cal é o custo real de produción.
Os nacionalistas advirten que aínda que a regulación estabelecida polo Real decreto parecía ser unha mellora para garantir un prezo mínimo xusto aos produtores, na aplicación práctica este obxectivo non se está cumprindo porque os custos teñen que ser demostrados de forma concreta e específica para cada unha das explotacións cos datos de que dispoñan. “Esta obriga deixa a maioría de explotacións nunha situación de total indefensión” destacou Néstor Rego.
Como resultado desta nova lexislación, a maioría de explotacións lácteas da Galiza están sufrindo presións para que asinen novos contratos e acepten prezos por debaixo dos seus custos de produción. Rego explicou que “isto supón un abuso por parte da parte contractual máis forte, que impón un contrato en que non é posíbel negociar individualmente os prezos”.
“Debe recordarse que as explotacións galegas son xa, neste momento, as que perciben os prezos máis baixos de todo o Estado español” subliñou Rego, que ve necesario que se modifique con urxencia esta lei para que se permita estabelecer os custos de produción a partir dos estudos feitos sobre esta materia por organismos oficiais, como pode ser, no caso das explotacións galegas, o Observatorio Lácteo da Galiza.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
