Viveiro, a 16 de setembro de 2020. O Partido Popular de Viveiro solicita ao goberno local a recuperación do edificio Sociedade de Fabricantes, Conservas e Salazóns do Norte de Galicia. Así se expresa na moción que veñen de rexistrar, e que será debatida no Pleno que a Corporación celebrará este mes.
Os populares consideran urxente a actuación do Concello respecto deste inmoble en desuso, co fin de non só mellorar o estado físico no que se atopa, senón de poñelo en valor. E é que este edificio foi a antiga sede desta importante entidade para Celeiro, construída alá polo ano 1929 en terreo cedido polo Instituto Social da Marina, con dúas plantas e unha superficie de uns 220 m2.
Deste xeito, a súa mellora tamén permitiría cumprir outro dos obxectivos: facelo útil á sociedade viveirense e poñer fin así a un proceso continuado no tempo de intentarlle buscar unha función pública que nunca prosperou nin se levou a cabo, pois tan só chegou a albergar de modo provisional o Posito de Pescadores, a pesares de que, no seu momento, se especulou con destinalo á escola náutico pesqueira ou con habilitalo para ser a sede da Delegación de Pesca. Con todo, e unha vez cesada a actividade para o que naceu, si que se converteu nun local importante para o barrio de Celeiro ao dedicarse a bar con teléfono público e sala de xogos.
Por este motivo, dende o Grupo Popular de Viveiro entenden que a veciñanza de Celeiro, “con todo o que leva aportado ao noso Concello, ben se merece poder desfrutar dun local para actividades culturais-deportivas, sen ánimo de lucro, e que mellor que un local cheo de historia e emblemático como este”, apuntan.
Con estes argumentos, diríxense ao goberno local. Neste senso, o acordo que plantexan inclúe dous puntos moi concretos. Son os seguintes:
-Que o equipo de goberno faga as xestións necesarias para poder adquirir o local, mediante compra ou cesión, e rehabilitado para uso e desfrute da veciñanza a través das asociacións deportivas ou culturais do pobo de Celeiro.
-En caso de que a compra ou cesión non fose posible, que o Concello inste aos seus propietarios á reparación e conservación polo menos da fachada para dar a imaxe que merece o pobo.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
