A Mariña, 21 de outubro de 2020. A FCAM fai unha valoración positiva das axudas recibidas nos CCAs e tamén na propia Federación de Comercio A Mariña desde a Consellería de Industria e Comercio e tamén a través do convenio asinado coa Deputación de Lugo.
O presidente, José Carlos Paleo, sinalou que “agora máis que nunca precisamos da axuda de todas as administracións aos Centros Comerciais Abertos e tamén á FCAM para poder desenvolver os proxectos e as campañas nas que traballamos co obxectivo de dinamizar ao máximo posible o comercio e a hostalería. E para prestar os servizos que desde cada asociación lles ofrecemos aos nosos asociados e asociadas. Os tempos son os que son e debemos remar todos xuntos na mesma dirección. Estamos moi agradecidos polas axudas recibidas e agardamos podemos seguir contando con elas e colaborando con todos aqueles proxectos que sexan de interese para o desenvolvemento desta comarca”.
Paleo dixo que “estamos preparando diversos proxectos de cara ao 2021 para presentar diante das distintas administración e dos organismos colaboradores”. E subliñou “a importancia da colaboración, do traballo conxunto, que estamos a realizar coa Mancomunidade en proxectos comarcais como Degusta A Mariña ou Cociñando A Mariña, entre outros”.
Estes foron algúns dos asuntos abordados na reunión da xunta directiva da FCAM, celebrada nas últimas horas, na que tamén se acordou “reivindicar o recoñecemento do Camiño do Mar, como ruta oficial e como a fonte de atracción turística na que se pode converter nun futuro próximo”.
O presidente da FCAM aproveitou a ocasión para “recoñecer o esforzo realizado nos últimos meses para levar a cabo a dixitalización do comercio local coa posta en marcha de plataformas de venta online ou de apps co obxectivo de contar cun sector renovado e adaptado ás demandas da clientela, que moitas veces merca sen saír da casa, pero faino cada vez máis no comercio do seu pobo porque está na vangarda e porque si ten calquera problema conta cunha persoa, cunha cara coñecida e amable, á que poder recorrer”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
