O Consello adopta esta decisión tendo en conta que a actividade industrial é esencial para o crecemento e desenvolvemento económico da Comunidade e que é responsabilidade dos diferentes gobernos incluír políticas nas súas axendas que impulsen e desenvolvan a longo prazo o sector. No caso concreto da industria electrointensiva, ademais, ten un importante peso en Galicia, xa que supón o 5,7% do valor engadido bruto (VAB) e representa case a metade (45,2%) do sector industrial galego.
Unha industria que engloba o sector do aluminio (Alcoa, Cortizo, Aluman, Exlabesa e Extrugasa), pero tamén a siderurxia (Megasa e Celsa), a metalurxia non férrea (Ferroatlántica e Xeal), a fabricación de cementos (Cementos Cosmos), a transformación da madeira (Finsa, Grupo Tojeiro e Intasa) e os sectores papeleiro (Ence), químico (Showa Denko Carbon Spain) e conserveiro (Jealsa e Frinsa) e que se caracteriza porque o custo enerxético da súa actividade pode chegar a supoñer un 50% dos custos de produción, polo que a electricidade é un factor primordial nos seus procesos.
Grazas a esta declaración, as empresas que integren o sector electrointensivo de Galicia que presenten proxectos de ampliación, modernización ou transformación e cumpran, alomenos, dous dos seguintes requisitos -xeración de 25 ou máis postos de traballo directo baixo a modalidade de contrato indefinido a xornada completa; que impliquen un investimento en activos fixos igual ou superior a un millón de euros; que sexan tractores ou complementen cadeas de valor- terán con carácter automático a consideración de iniciativas empresariais prioritarias. Isto outorga carácter prioritario aos trámites que son competencia do Goberno autonómico para a implantación e posta en marcha do proxecto, reducindo os prazos administrativos á metade, sempre e cando manteñan os requisitos exixidos e cumpran as directrices autonómicas a nivel lexislativo, técnico e medioambiental. Así mesmo, serán obxecto dun seguimento personalizado e específico desde a Oficina Doing Business Galicia ata a súa implantación.
Con este acordo, a Xunta intenta avanzar na defensa do sector electrointensivo en Galicia e, polo tanto na adopción de medidas que permitan manter a actividade e o emprego vinculado a este sector nun momento de especial dificultade, tendo en conta situacións como a de Alcoa San Cibrao. O peche do proceso de fabricación de aluminio primario tería impacto sobre máis dun milleiro de empregos, por iso desde a Xunta seguiranse ofrecendo solucións que permitan dar viabilidade e futuro a esta importante industria.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.