Santiago de Compostela, 5 de outubro de 2020. A portavoz parlamentar Ana Pontón trasladou o apoio e a solidariedade do BNG aos traballadores e traballadoras de Alcoa e a toda a comarca da Mariña “que están nun momento decisivo”. En San Cibrao, xunto cunha delegación do BNG, insistiu en que a solución para manter o emprego é a intervención pública de Alcoa.
En declaracións aos medios durante a visita, expresou que a multinacional xa demostrou nos últimos tempos que “a súa folla de ruta é moi clara, que o seu plan é pechar esta factoría única e exclusivamente por decisións empresariais”. Así, emprazou o Goberno galego e o Goberno español a estar á altura, “porque teñen na súa man manter o emprego e a actividade”.
“A solución é moi clara, como defendeu o BNG nos últimos meses: unha intervención pública, unha nacionalización, que garanta que as cubas non pechan e que a comarca vai seguir tendo futuro”, afirmou Ana Pontón.
Sánchez e Feijóo que deixen de esconderse: é o momento dos feitos
Así, reclamoulle a Sánchez e a Feijóo “que deixen de esconderse e dean a cara, que se poñan á altura do que demanda esta comarca que é a nacionalización de Alcoa”. Segundo explicou, os gobernos están parados desde hai unha semana despois de que a multinacional detivo a oferta de compra. Para o BNG, está claro que Alcoa está nunha posición onde quere consumar o seu propósito de paralizar esta planta, cando o que lle interesa aos galegos e galegas é seguir a producir e manter a industria, porque isto é vital nunha comarca como a da Mariña, sinalou.
Así, anunciou que este mércores o BNG vai formularlle unha pregunta ao presidente da Xunta no Pleno do Parlamento “para reclamarlle un compromiso, porque xa non é o momento das palabras; é o momento dos feitos”, afirmou. “Ese compromiso debe ser a nacionalización de Alcoa para garantir o emprego e o futuro”, engadiu.
“Desde o BNG imos facer toda a presión institucional necesaria para que isto sexa así porque é evidente que non se pode permitir que os gobernos non actúen coa contundencia que esixe un momento crítico coma este, pois son máis de 1.000 empregos directos e o futuro dunha comarca, nun momento de crise derivado da covid onde non se pode permitir que peche a industria que temos no país, porque sen industria non hai futuro”, concluíu.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
