Burela, 16 de outubro de 2020.- O delegado territorial da Xunta, Javier Arias, mantivo hoxe varias reunións de traballo co sector pesqueiro de Celeiro e Burela, co fin de establecer unha primeira toma de contacto e valorar as liñas de colaboración que manteñen co Goberno galego así como as recentes actuacións realizadas por Portos de Galicia na mellora das infraestruturas portuarias. En conxunto, indicou, suman achegas por máis de 3,2 millóns de euros no último ano.
Nas xuntanzas participaron o xerente da Organización de Produtores Pesqueiros de Lugo, Sergio López; o presidente de ABSA, Abelardo Basanta, e o patrón maior de Burela e presidente da Federación Provincial de Confrarías de Lugo, Basilio Otero. En Celeiro asistiron o patrón maior da confraría, Domingo Rey, e representantes de Porto de Celeiro, entre eles o seu presidente Jesús Novo.
Arias visitou a sede da confraría burelá e as instalacións portuarias de ambos municipios, e fixo referencia ás obras de infraestrutura que está a executar a Consellería do Mar, a través de Portos de Galicia, “para mellorar a operatividade e a seguridade das embarcacións e facilitar o desenvolvemento das actividades pesqueiras, proporcionando unhas instalacións modernas e competitivas”, segundo afirmou.
Ao respecto, o delegado explicou que o investimento nesta materia nos peiraos lucenses no último ano supera os 2,4 millóns de euros. Así mesmo, a través de distintos programas de apoio, a Consellería do Mar achegou 860.000 euros ás organizacións de produtores de Celeiro e Burela, á Federación Provincial de Confrarías e ás confrarías locais de Burela, Celeiro-O Vicedo, San Cibrao e Ribadeo.
Proxectos en marcha
Javier Arias destacou o investimento en Burela, con preto 1,4 millóns de euros destinados aos traballos de ampliación e mellora de abrigo do porto, que están na súa recta final, á remodelación da nave de redes -próxima a adxudicarse-, ás reparacións executadas na nave de redes de Expomar, así como á nova cuberta para os departamentos de armadores da Confraría e outras melloras previstas para os vindeiros meses.
O delegado adiantou que está previsto que comecen a vindeira semana as obras na cuberta da nave de redes de Celeiro e continúan os traballos de construción dos novos aseos na nave de redes do cerco, cun importe conxunto de 71.000 euros. Recentemente tamén rematou a dragaxe do peirao pesqueiro así como na canle de acceso ao porto e no peirao deportivo, cun orzamento de 855.000 euros.
A Consellería desenvolve proxectos de mellora noutros portos da provincia, nos que inviste 86.000 euros, como plans de seguridade e sinalización, as obras en execución en Ribadeo -no espigón norte e no sistema de pesada do peirao comercial- ou a actuación que dará comezo a vindeira semana no Vicedo e que afectará á iluminación e o abastecemento.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
