Lugo, a 20 de outubro de 2020. O voceiro do grupo provincial do PP, Javier Castiñeira, sinala que “os informes da conta xeral do exercicio 2019 que levará a pleno o goberno provincial para a súa aprobación definitiva demostran unha vez máis que o PP ten razón cando acusa ao bipartito de falta de rigor na xestión das contas provinciais”.
Estes informes conclúen que “o goberno provincial incumpriu novamente a regra de gasto e de obxectivos de estabilidade orzamentaria e, o que é máis grave, incumpre o propio plan económico-financeiro elaborado polos técnicos da Deputación co obxectivo de corrixir, precisamente, estes reiterados incumprimentos do goberno provincial”.
Castiñeira explica que “os técnicos sinalan que se deberán adoptar medidas coercitivas como establece o artigo 25 da propia Ley Orgánica de Estabilidad Presupuestaria y Sostenibilidad Financiera” e, polo tanto, advirte de que se deberán establecer unha serie de restricións coma a creación de partidas de non dispoñibilidade. É dicir, “haberá partidas que non van poder empregarse nos orzamentos do 2021”.
O voceiro popular acusa ao bipartito de levar a cabo durante estes anos “unha dinámica de descontrol e incumprimentos” que “demostra a absoluta incompetencia e, sobre todo, a falta de vontade para xestionar con seriedade e de forma exemplarizante as contas da Deputación”.
Dende o Partido Popular apuntan que “non está reñido o cumprimento das normas con facer un bo uso dos recursos públicos. Ao contrario -puntualiza Castiñeira-, porque “as administracións debemos dar exemplo de compromiso orzamentario especialmente nos momentos de crise económica coma o que vivimos”. Engade: “Cremos que o goberno non ten por que seguir incumprindo porque ten maioría no pleno e pode seguir aprobando os orzamentos e as modificacións que necesite sen ningunha atadura política. Se ben é certo que para iso debe cambiar de actitude e aprobar as contas antes de iniciar o propio exercicio como lle pedimos fai uns días”.
Os populares pídenlle ao goberno bipartito “menos reparos de intervención e incumprimentos e máis organización, seriedade e, sobre todo, criterios xustos para que o reparto dos recursos públicos para que cheguen a tódolos lucenses de forma igualitaria”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).