Con inmenso orgullo, dámoslle os nosos parabéns ao equipo de arqueoloxía que estivo a traballar no castro de San Tirso. Pero tamén, por decencia e en honor da verdade, vémonos na obriga moral de puntualizar algúns feitos que, por incomprensible ignorancia ou malicioso engano, están a darse por certos sen selo.
É xusto, unha vez máis, recoñecer o ingrato traballo acumulado pola xente que facemos parte do BNG de Xove. Como toda a nosa veciñanza sabe, levamos máis de dez anos loitando por poñer en valor o patrimonio arqueolóxico xovense. Semella que o noso esforzo comezou a dar os seus pequenos froitos, tendo en conta a ocultación de datos que están facendo a mantenta desde o Goberno municipal do PP.
Co obxectivo de ilustrar esta realidade, realizaremos un pequeno repaso de todo canto propuxemos e fixemos en Xove, neste eido, desde o nacionalismo galego:
– Solicitamos de xeito formal a adquisición dos terreos onde se asenta o castro do Coto da Vela, e tivemos que abrirlle os ollos ao executivo local, que descoñecía a consideración deste castro como un dos máis impoñentes de toda a costa noroeste da península ibérica, polo que non tería sentido ocultalo baixo o miradoiro que o alcalde pretendía construír.
– Pedimos por vía formal e informal a recuperación de San Tirso, mediante a consolidación dos muros da igrexa, e fixemos una visita cun arqueólogo da Xunta para asegurarnos de que non había ningún problema legal se existía vontade política.
– Sufragamos cos nosos propios medios económicos unha interesante charla, en colaboración con Mariña Patrimonio e con ese mesmo arqueólogo, para dar a coñecer in situ a maior mámoa de toda a comarca da Mariña e o círculo lítico de Lavandeiras. A este acto acudiu xente desde diferentes localidades do país, e mesmo houbo que cambiar a súa ubicación porque o público non cabía na Aula de Formación do Concello, lugar onde se adoita reunir a asemblea local do BNG de Xove para organizar este tipo de actos que, desde o PP local, non teñen nin a capacidade nin a ansia de imaxinar sequera.
– Convocamos unha conferencia no Centro Social de Vilachá, tamén sufragada cos cartos do grupo municipal nacionalista, para dar a coñecer “O segredo que garda San Tirso de Portocelo”. Lembremos que este acto foi todo un éxito e sucedeu xa no ano 2014. Queda claro que, incluso poñéndolle as cousas en bandexa ao executivo do PP, estes tardaron seis anos en actuar.
Nós, en contra do que estamos afeitos por parte do Goberno local, continuamos traballando polo concello e dando boas ideas, aínda que despois haxa políticos falsarios que nos ninguneen na prensa por comenencia propia. Por esta razón, aí lles vai outra proposta das que non se lles ocorre a eses dirixentes nin cobrando o que cobran:
– Adquisición dos terreos onde se asenta un dos poucos muíños costeiros que hai na costa norte galega, en Coído, para a súa restauración e posta en valor do lugar; podendo aproveitalo tamén como un importante atractivo da ruta costeira.
E agora aínda haberá quen diga que está todo moi ben, claro, pero que a arqueoloxía non é política. Xa! Porque se non fora pola actitude seria e formal do BNG de Xove ao longo de todos estes anos, habían estar excavando esoutros en San Tirso e dando a coñecer o noso municipio na Champions da cultura arqueolóxica. Habían, si… Vaiche boa, Vilaboa.
Carlos Fernández Louzao. Concelleiro BNG Xove
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
