Ribadeo, 16 de outubro de 2020. O alcalde, Fernando Suárez, subliña que, segundo os datos que publica a Xunta, este concello é un dos que rexistra pouca ou nula existencia de veciños e veciñas afectados por coronavirus. Aínda así o rexedor declara que “a situación boa hoxe pode ser terrible mañá ou pasado” e por iso ven de asinar dous Bandos. Nun deles recomenda encarecidamente ás asociacións e agrupacións veciñais non facer uso das distintas instalacións municipais distribuídas pola vila e polas parroquias, co obxectivo de extremar as precaucións ante o Covid-19. No segundo informa que as Escolas Deportivas Municipais quedan aprazadas ata novo aviso e solicita que non se realicen tampouco en Ribadeo adestramentos colectivos.
O alcalde ribadense dixo que “segundo os datos que está a publicar a Xunta de Galicia, podemos dicir que nestes momentos Ribadeo é un dos concellos con pouca ou nula existencia de veciños e veciñas afectados por coronavirus. Todos sabemos que pasamos malos momentos no verán e que a situación boa hoxe pode ser terrible mañá ou pasado. Entendemos, polo tanto, que a cidadanía temos que seguir coas nosas vidas, cos nosos traballos, coas nosas actividades de lecer e deportivas, pero debemos tamén reducir os riscos ao mínimo, especialmente para as persoas que teñan un maior risco de sufrir esta doenza”.
Suárez Barcia explicou que “acabamos de emitir dous Bandos, un deles referido ao mundo do deporte local e outro relativo ao uso das instalacións municipais na vila e nas parroquias por parte de asociacións ou de agrupacións de veciños. No do ámbito deportivo temos que dicir que o Concello ven, desde hai anos, apoiando o deporte de base en multitude de actividades deportivas, a través das escolas deportivas municipais que financiamos para máis de 400 nenos e nenas de entre 4 e 14 anos, e que así seguirá sendo aínda que neste momento queremos anunciar que estas escolas, do curso 2020/2021, quedan aprazadas ata que se dean as condicións óptimas para que se poidan desenvolver sen poñer en perigo nin a saúde dos participantes nin a do resto dos habitantes do concello. Tamén neste Bando recomendamos que, en tanto non haxa data de inicio de competicións oficiais, non se realicen adestramentos colectivos. Con todo, se algunha entidade ou club quere utilizar as instalacións deportivas municipais deberán cumprir obrigatoriamente unha serie de requisitos como a presentación dun seguro de responsabilidade civil, designar unha persoa responsable por grupo, a aceptación de protocolos das instalacións, etc…”.
O rexedor engadiu que “en canto ao Bando de uso de inmobles municipais para xuntanzas na vila ou nas parroquias, tamén recomendamos encarecidamente non facer uso destas instalacións en tanto a situación que indican as autoridades sanitarias non dea seguridade, especialmente para colectivos de xente maior. Pero con todo, se algunha entidade ou asociación desexa utilizar as instalacións municipais deberá comprometerse tamén a cumprir determinados requisitos obrigatorios similares ao bando deportivo”.
O alcalde insistiu en que “todo isto é porque desde o Concello queremos, con estas actuacións, adaptarnos a esta realidade que nos toca vivir desgraciadamente e que, por imprudencias perfectamente evitables, non esteamos toda a poboación en situación de perigo”.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
