Cervo, 19 de outubro de 2020. O BNG cervense, a través dos seus portavoces municipais Diego Fernández e Xorxe Caldeiro, denunciaron que unha avaria no único ascensor existente no Centro de Día-Residencia da Terceira Idade de San Cibrao, cuxa reparación non se prevé en varias semanas, condiciona gravemente a calidade asistencial das persoas residentes. Os nacionalistas denuncian que persoas internas con dormitorios no terceiro andar do edificio son levantadas por orde da dirección do centro a partir das cinco da mañá e non a partir das sete e media, como é norma, debido á falta de persoal. A ausencia de ascensor operativo fai que a louza e cubertos de servizos se freguen nos propios cuartos, ou que todo o material de comidas ou lavandaría suba e baixe por escaleiras desde o soto do edificio, onde se sitúan a cociña e a lavandería, causando cuantiosos trastornos de intendencia e servizo que deterioran a calidade asistencial.
Un ano de denuncias por mala xestión da concesionaria, despreocupación do goberno local e consecuencias na calidade asistencial.
O BNG leva un ano cuestionando a xestión que fai a empresa “Mensajeros de la Paz”, concesionaria da xestión do Centro de Dia-Residencia da Terceira Idade de San Cibrao. “Hai un ano denunciabamos as malas prácticas desta empresa, a nefasta xestión de persoal, e a ausencia de seguimento e control por parte do goberno local no cumprimento do prego de condicións da privatización, causando hai un ano, e tamén hoxe, graves consecuencias nas persoas usuarias”, afirmaron os concelleiros nacionalistas Diego Fernández e Xorxe Caldeiro.
A nefasta política de persoal segue provocando o deterioro da calidade asistencial chagando nalgún caso a extremos inadmisíbeis
Nesta ocasión, desde o BNG, denuncian que “a falla de persoal suficiente para atender as persoas maiores residentes ou asistentes ao Centro de Día fai que desde a dirección se deran instrucións ao persoal para levantalas a partir das cinco da mañá e non a partir das sete e media, como fixa a norma interna”, algo que desde a formación nacionalista cualificaron de “inhumano e motivo de revisión da concesión, xa que a mala praxe empresarial non pode, nin debe, ter nunca consecuencias nas persoas usuarias”.
Un edificio construído para ofrecer un servizo destas características non pode ter un único ascensor
Diego Fernández e Xorxe Caldeiro cualificaron de “grave defecto estrutural do edificio” a existencia dun so ascensor que cando sofre unha avaría condiciona totalmente o funcionamento do centro. Os nacionalistas afirmaron que “a avaria do único ascensor existente durante varias semanas, está provocando deterioro no servizo ás persoas usuarias, xa que tanto as cociñas como a lavandaría e toda a intendencia necesaria para o funcionamento do centro está tres andares por baixo dos cuartos das persoas residentes”, explicaron. O contratempo da avaria do ascensor “alén de incrementar notabelmente o traballo do persoal, fai que as dificultades para a mobilidade dalgunhas persoas internas empeoren gravemente, ou que os cuartos acaben convertidos en vertedeiros de louza e cubertería usada nalgúns servizos de habitación”, denunciaron desde a formación nacionalista.
Malia os numerosos problemas denunciados desde a privatización do centro, o concello renovou a concesión a Mesajeros de la Paz
O BNG informa de que o goberno municipal, lonxe de exercer as súas responsabilidades para velar pola excelencia na atención as persoas renovou o pasado 14 de xullo a concesión a Mensajeros de la Paz por un ano, prorrogábel a dous. Malia a mala xestión empresarial, como dan conta o recambio da práctica totalidade do cadro de persoal, cambios na dirección, ou organización de quendas con periodicidade dun mes no canto dun ano que se cambian cando o centro recibe a visita da inspección de traballo, concluíron
O BNG desvela graves anomalías na xestión da Residencia da Terceira Idade de San Cibrao da empresa “Mensajeros de la Paz”
Relacionado
-
Os socialistas de Vilalba destacan que “a boa xestión económica do concello” permite “manter o esforzo inversor e o elevado gasto social”
-
A Xunta licita por 540.000 € a subministración de reactivos e material funxible con destino aos laboratorios de anatomía patolóxica da área sanitaria de Lugo, A Mariña e Monforte
-
O Consello de Contas sitúa a Vilalba entre os concellos galegos cunha mellor xestión económica
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
