Viveiro, 10 de outubro de 2020. O Concello de Viveiro asinou catorce convenios con asociacións deportivas do municipio para a concesión de subvencións nominativas por un importe conxunto de 50.600 euros, mantendo un ano máis o seu apoio e compromiso co deporte.
“O fomento dos hábitos saudables e a práctica deportiva son unha prioridade para o noso grupo de goberno, por iso apoiamos actividades destinadas a todas as idades”, asegura María Loureiro, alcaldesa de Viveiro.
A situación actual derivada da pandemia do COVID determinou, en gran medida, os orzamentos municipais do presente ano, obrigando a reaxustar partidas e establecer medidas extraordinarias destinadas a paliar as consecuencias da crise, como é o caso do Plan de Reactivación Económica.
A pesar destas circunstancias, o goberno municipal mantivo a concesión destas subvencións directas, destinadas a gastos da temporada no ano 2020, das que se beneficiarán o Club Balonmano Viveiro; o Club Ciclista Viveiro; o Club de Xadrez San Roque; o Club de Piragüismo Viveiro; o Viveiro CF; o Viveiro SD; o Club Baloncesto Viveiro; a ACD Penalba-Club de Remo de Celeiro; a AD San Roque; o Club de Gimnasia Rítmica; o Viveiro Surf Family; o Club de Vela de Viveiro; o Club Egovarros e o Rugby Asterix.
No ámbito deportivo cabe lembrar tamén que, grazas á Deputación de Lugo, dentro do Plan Único 2019 o goberno municipal executou importantes melloras no pavillón municipal. Substituíuse o pavimento do pavillón por un importe de 134.000 euros.
Ademais, grazas ao remanente desta subvención, dotouse o pavillón de equipamento deportivo, por un importe de 7.013,40 euros, e executáronse obras de mellora da instalación eléctrica e dotación de luces led, por importe de 26.079,15 euros.
“Dentro das nosas posibilidades, temos que renovar de forma constante as infraestuturas deportivas, para adaptalas e telas sempre nas mellores condicións”, engade Loureiro.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
