Madrid, 13 de outubro, 2020. O Congreso aproba, a partir da iniciativa presentada polo Bloque Nacionalista Galego na Comisión de Industria, Comercio e Turismo, unha resolución na que se insta ao Goberno español a adoptar cantas medidas sexan necesarias o máis axiña posíbel, incluída a intervención pública temporal para a súa posterior venda a un investidor privado que garanta un proxecto industrial viábel, para o mantemento da actividade industrial e dos postos de traballo na factoría de Alcoa en San Cibrao.
O acordo foi posíbel por medio dunha transaccional alcanzada tanto co Partido Socialista como co Partido Popular, que contou co apoio doutras forzas da Cámara.
Na súa intervención, o portavoz do BNG no Congreso, Néstor Rego, destacou que “a negativa da multinacional norteamericana para vender a planta a Liberty House só deixa unha vía para garantir a continuidade da actividade na comarca da Mariña e o mantemento da totalidade dos máis de 1.000 postos de traballo. E esa vía é a intervención pública”.
Rego recalcou que “ao BNG gustaríalle que esa intervención servise para nacionalizar a planta de aluminio, para retornala ao sector público” e lembrou que “ INESPAL foi unha empresa pública que nunca debeu ser privatizada, pero en todo caso sabemos que agora o urxente é buscar unha solución que garanta algo tan elemental como que se poida manter aberta a factoría e preservar a totalidade dos postos de traballo dos que dependen a vida de milleiros de persoas nos Concellos da Mariña.
O deputado nacionalista insistiu en que “o impacto do peche da planta de aluminio sería brutal para A Mariña e é algo que nunca, menos aínda neste momento de crise social e económica, podemos permitir.”
Néstor Rego instou o Goberno español e ao Goberno galego a pórse de acordo para actuar da forma máis inmediata posíbel para garantir que a intervención da planta de aluminio saia adiante para manter os postos de traballo e a actividade industrial na comarca da Mariña.
E finalizou engadindo que “non hai outra alternativa” á crise económica e social que sofre A Mariña e lembrou que “miles de persoas están neste momento pendentes desa solución e desde logo o BNG, como sempre fixo, está ao seu lado”.
Na proposta presentada polo BNG tamén se incluía a posta en marcha dunha Tarifa Eléctrica Galega, ao ser Galiza un país produtor excedentario de enerxía eléctrica, e a aprobación inmediata do Estatuto da Industria Electrointensiva que establecera un marco adecuado para facer que esta industria fose realmente competitiva para saír da crise na que se atopa actualmente.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).