Viveiro, 16 de outubro, 2020. Bancos e mesas rotas, falta de árbores despois dunha tala sen ningún tipo de estudo, especies vexetais e camiños que desaparecen por falta de mantemento, ramas caendo con cada temporal obrigándo a fechar o parque por perigo… Unha imaxe coa que algunhas forzas políticas, como a do PSOE de María Loureiro, parecen estar cómodos e cómodas ao votaren en contra dunha moción que pedía recuperar e revitalizar o parque Pernas Peón.
A falta de 1 voto, provocou que non saise aprobada a moción do BNG na que se propoñía:
Elaborar un proxecto de recuperación ambiental e paisaxística para o emblemático parque municipal Pernas Peón, que contemple a eliminación das árbores en mal estado, reflexe o deseño e ordenación deste espazo así como a tipoloxía de plantas, árbores e elementos vexetais que se van a plantar no mesmo, os equipamentos e servizos que vai ter, incluíndo un plan de conservación e mantemento para evitar o seu abandono e desertización nun futuro.
Crear un circuito en terra batida que permita a práctica deportiva, ben sexa andar, correr ou bicicleta, así como para o uso e desfrute de adolescentes e crianzas. Tal e como teñen outras zonas verdes do Concello como é o espazo de en fronte á Piscina Municipal, constatando que non impide para nada outras actividades senón que abre todo un abanico de posibilidades para a veciñanza.
Estudar a posibilidade da creación dun Skate Park, dado que na actualidade non hai sitio para a práctica deste deporte no concello, podéndose aproveitar a parte que está máis perto da residencia DomusVi. Un lugar que leva décadas sen poderen utilizarse ao contar cunha caseta abandonada e un burato que podia aproveitarse como parte destas instalacións. A falta de lugares para a práctica deste deporte está a provocar o deterioro doutros que non están destinados para este uso, creando tamén confrontacións entre viandantes e persoas sobre patíns.
“Sendo o último punto o xerador dun debate baldío ao non estaren dacordo varios membros da corporación municipal” afirma Míriam Bermúdez, “un punto que propoñía -estudar a posibilidade- o cal, non implicaría facelo, mais si se podería estudar e mirar se compensaba unha vez postos co proxecto, o de incluir ou non, unha zona con saltos e outros artiluxios para o desfrute de patíns e bicicletas”. Aínda despois de explicar isto mesmo, algúns membros da corporación municipal non parecían entendelo e a concelleira do BNG optou por retirar este terceiro punto da moción para non bloquear a recuperación do parque.
María Loureiro sen embargo, afirmou que votarían en contra porque apobar unha moción suporía tela que levar a cabo, “o que sorprende desta declaración” di Míriam Bermúdez “son as poucas ganas de traballar e neste caso de recuperar o parque. Segundo María Loureiro o PSOE ten moitas iniciativas e ideas para este parque, pero está claro que se esas ideas non se presentan nun proxecto nunca imos saber o orzamento necesario para facelas realidade e polo tanto, non se vai poder reservar unha partida nos orzamentos e levar a cabo a recuperación do parque. Ao votaren en contra, o único que queda é a improvisación á que nos teñen acustamadas no Goberno Municipal.”
Nesta moción tamén, a alcaldesa María Loureiro, fixo unha declaración na que dixo textualmente que votaron en contra da moción dun Viveiro Ciclábel por que era unha iniciativa do BNG, non porque non quixeran un carrilbici. Argumento que utilizou tamén para votar en contra da recuperación do parque Pernas Peón, poñendo por diante o rédito político e dificultando a calidade de vida da veciñanza simplemente por que ao PSOE non lle caen en graza as iniciativas que veñen do BNG.
Finalmente o resultado da votación rematou sendo:
A favor: BNG, PP, PV.
En contra: PSOE, SV.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
