Lugo, a 23 de outubro de 2020. O grupo provincial do PP demanda que o presidente da Deputación, José Tomé, renuncie a desempeñar ao mesmo tempo a delegación de Vías e Obras, porque ten totalmente esquecidas as súas responsabilidades neste terreo, de maneira que as estradas provinciais atópanse en moi mal estado. O portavoz popular, Javier Castiñeira, sinala con ironía: “O PP pide ao presidente José Tomé que destitúa ao delegado de Vías e Obras, José Tomé, e o substitúa por un que si se dedique as estradas e que non vaia só a cortar as cintas con traxe e garabata; necesitamos urxentemente un delegado que patee a provincia coas botas de traballo, para recuperar a normalidade nas estradas lucenses, que son unha das poucas competencias propias que ten a Deputación”.
O portavoz dos populares explica que “transcorrido máis dun cuarto de mandato, comprobamos que foi un absoluto erro que o presidente da Deputación e alcalde de Monforte, o socialista José Tomé, se autonomeara delegado de vías e obras provinciais”. Castiñeira di: “Aí está o verdadeiro problema: demasiadas responsabilidades para unha soa persoa, o que o levou a acabar non atendendo a ningunha; o claro exemplo do que dicimos está na desastrosa xestión das estradas provinciais. Podemos dar moitos exemplos”. Engade Castiñeira: “Cando un alcalde ten un problema nunha estrada provincial, resúltalle absolutamente imposible falar co responsable político da área, con José Tomé, e remíteno á oficina técnica, que, evidentemente, ten moi pouca capacidade executiva para avanzar na solución do problema, que é o que queren os mandatarios locais. O delegado, señor Tomé, ou está en Monforte, exercendo de alcalde, ou está en Presidencia firmando convenios con alcaldes socialistas e nacionalistas, pero nunca está en Vías e Obras”.
Para os populares, “o delegado Tomé descoñece a rede de estradas provinciais, que está en estado lamentable, por estar dedicado a outros mesteres”. Citan “estradas en mal estado como as que denunciou o Partido Popular en Cervantes, en Riotorto, en Portomarín, a que enlaza Chantada con O Saviñao pola presa de Belesar (chea de fochancas enormes); tamén estradas provinciais en mal estado que denuncian os propios veciños como a LU-P-1002 en Carballedo, ou a xa mítica en Momán, que ata parece que tivo que intervir a divindade para intentar arranxar esa estrada”.
Castiñeira explica: “Estradas en mal estado hai en practicamente toda a provincia, e outras en proceso de obra pesimamente xestionadas, como a de Castroverde que levou ao pleno o PP, ou a de A Fonsagrada, con paradas e retrasos incomprensibles; di o delegado Tomé, como escusa, que somos a rede viaria máis extensa de España e posiblemente estea no certo. Por iso debe haber un delegado plenamente dedicado ás estradas provinciais. Polo tanto, o PP pide ao presidente Tomé que destitúa ao actual delegado de Vías e Obras, Tomé”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
