Lugo, a 4 de outubro de 2020. Os representantes do PP na Mancomunidade de Municipios da Mariña lamentan “a falta de compromiso do PSOE e do Goberno de Sánchez coa comarca” ao ter denegado o Executivo central o financiamento da parte que lle correspondía do Plan de Sostibilidade Turística que tanto precisa A Mariña e para o que a Xunta mantén o compromiso de financiar a súa parte.
Os populares subliñan “a falta de peso político do PSOE mariñán e da provincia en Madrid” e urxen ao presidente da Mancomunidade e alcalde de Foz, o socialista Francisco Cajoto, “a facer o seu traballo, o de xestionar co Executivo central a aportación necesaria para o plan que recolle un orzamento total de tres millóns de euros, a tres anos, do que debería cubrir entre o 40 e o 45%”. A Xunta aportaría a mesma porcentaxe mentres que o resto correría a cargo da propia mancomunidade. Recordan, así mesmo, que “o responsable da selección dos plans é o Goberno central e foi, polo tanto, o Goberno de Sánchez o que rexeitou apoiar ao da Mariña”.
O alcalde de Cervo, Alfonso Villares, di: “Dende A Mariña intentamos facer un traballo conxunto a prol do turismo, e apuróusenos para facer ese traballo e comprometer ás distintas administracións. Pero quen tiña que facer o traballo de xestión non o fixo ben e non houbo compromiso por parte do Goberno do Estado”. Engade: “Deste xeito, os mariñáns perden tres millóns de euros, que é unha cantidade moi importante. A Xunta reservou a súa aportación e mantén o compromiso, en cambio non houbo compromiso por parte do Goberno presidido por Pedro Sánchez, e quedou de manifesto a falta de peso político do presidente da mancomunidade”.
A mindoniense Elena Candia, deputada autonómica e presidenta provincial do PP, fai fincapé en que o presidente da mancomunidade ten que facer as xestións necesarias para que o Goberno aporte a porcentaxe correspondente, xa que a Xunta mantén o seu compromiso de financiamento.
O rexedor do Vicedo, Jesús Novo, fala de “ineptitude na xestión” por parte do presidente da Mancomunidade ao que “parece que os seus propios compañeiros non lle fan moito caso”. Novo sinala a responsabilidade do Goberno sobre o rexeitamento do plan da Mariña, mentres que destaca que “a Xunta cumpriu a súa parte e comprometeu orzamento para levar adiante este plan”.
O alcalde de Xove, Demetrio Salgueiro, sinala: “O PP non quere entrar en guerra nun asunto coma este, porque cre que é conveniente ter unha imaxe de unión. Pero iso non rebaixa a responsabilidade do presidente da Mancomunidade. A Xunta ten orzamento comprometido para este plan e el ten que defender os intereses da Mariña, neste caso este proxecto, diante das administracións”.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
