Santiago de Compostela, 23 de outubro de 2020. A parlamentaria socialista Patricia Otero lamentou hoxe o voto en contra do PP a unha proposición non de Lei na que lle pedía ao goberno galego que acordara unha estratexia para a reactivación económica da Mariña Luguesa. A responsable socialista urxiu unha actuación decidida do goberno galego para unha comarca que está a vivir a súa terceira restrición de movementos consecutiva malia estar en fase 0 de contaxios.
Otero reclamáballe á Xunta a constitución dunha mesa de traballo integrada polo Executivo autonómico, os grupos parlamentarios, os axentes sociais e económicos e as entidades locais da comarca da Mariña para consensuar un Plan de reconstrución da comarca. Este plan debera contar cun plan de industrialización, logo de 11 anos sen investir “nin un só euro da Xunta” en impulsar a industria da comarca.
Tamén debera incorporar medidas de potenciación do turismo interior e de costa, medias de apoio á hostalería e restauración, o apoio aos sectores primarios e axudas a autónomos e pequenas e medianas empresas. A responsable socialista presentou no Parlamento as propostas dos sindicatos na última manifestación da comarca no pasado mes de xuño, pedindo “melloras nas infraestruturas, os servizos públicos e a aposta da Xunta para non deixar morrer á comarca”.
Patricia Otero reclamou o apoio dunha comarca que foi a única que despois do confinamento tivo que pasar un novo confinamento, decretado pola Xunta en plena campaña electoral, para agora vivir unha nova restrición de movementos cando se atopan en fase 0 de contaxios. Dixo que “necesitamos unha atención especial nesta lexislatura” porque “na Mariña vivimos tres confinamentos que non sufriu o resto de Galicia”.
Alcoa
Otero replicoulle ao Grupo do PP que a posta en marcha dun plan industrial para a comarca non é incompatible coa defensa dunha solución para a situación da fábrica de Alcoa en San Cibrao mantendo os postos de traballo. Sinalou a contradición da postura do Grupo Popular, que pediu a intervención da planta “xa mesmo” mentres o conselleiro de Industria, na liña do goberno de España, pide buscar primeiro a venta da planta para “non darlle beneficio a Alcoa”.
Acusou ao PP de “darlle alas a Alcoa” na estratexia de facer desaparecer a factoría para deslocalizar a produción. Explicou que ao “ser os únicos que seguen falando do prezo da enerxía o único que fan é engordar a estratexia” da empresa, e puntualizou que “se non é un problema para Liberty –a firma disposta a adquirir a factoría- como o vai ser para Alcoa”.
A responsable socialista lembrou que “quen atopou o comprador foi o goberno de España” mentres a Xunta e o PP se dedicaban a utilizar a situación dos traballadores para facer campaña electoral.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
