Burela, 18 de outubro, 2020. A fortaleza do equipo galego segue intacta tras o peche da xornada 4 de Primeira Masculina, pero hoxe demostrouse que contra os equipos dun potencial como Viña Albali Valdepeñas hai que coidar ata o máis mínimo detalle (4-1). Viviron os pupilos de Juanma Marrube unha cita moi igualada, na que o Pescados Rubén xerou perigo, sendo demasiado penalizado na primeira parte, con dúas recuperacións que aproveitou á perfección o conxunto castelano-manchego. Os burelistas repuxéronse no descanso e foron a máis para reducir distancias desde saque de banda e crearon perigo na aposta de cinco, aínda que a rigorosidade da sexta falta determinou o resultado final, con dous dobres penaltis.
Dispuxo o Pescados Rubén de situacións claras para romper o electrónico ao seu favor. Edu Sousa evitou a iniciativa dos burelistas nun contraataque liderado por Quintela, con cinco minutos de xogo. Lucho e Álex Diz tamén puxeron a proba a rede local. Na quenda de Kaluza, a portería tamén se mantivo infranqueable, no 8, con Dani Santos de cabeza e pouco despois con Rafael Rato. Perdoou o equipo galego o primeiro nun tacón de Matamoros; tampouco puido gañar a pugna Iago Míguez pouco despois. Kaluza freou aos casteláns con dobre parada ante Chino e Juanan no 12, pero, con todo, non puido manter a salvo os intereses burelistas fronte a Catela, que adiantou ao Valdepeñas con seis minutos para o descanso, tras unha recuperación en pista laranxa sobre Álex Diz. Tívoa Pitero acto seguido pero non conseguiu boa conexión cara a portería; tamén o tentou Giasson, con disparo que se foi alto. Con todo, de novo apareceu a oportunidade en contraataque dos de David Ramos, con Juanan (minuto 18), que conduciu o esférico en galopada para atopar o oco fronte a M. Kaluza e intensificou a incomodidade dos laranxas sobre a pista. Quintela avisou no regreso e tivo despois o primeiro galego, que desartellou Sousa coa cara. Tras a tentativa de Catela fronte a Matamoso, Iago Míguez volveu dispoñer doutra de ouro. Tras o que podería ser unha nova vantaxe local, de Catela con Álex García ao segundo pau, por fin estreou luminoso o Pescados Rubén, no 27, nas zapatillas de Iago Míguez, a pase de Renato, desde saque de banda. Pitero mantivo o resultado axustado pouco despois sacando baixo paus en lanzamento de Álex García. Subiu a quinta falta a escuadra burelista con cinco e medio para o final e con tres Álex Diz vestiu a camisola de porteiro xogador. Chino ampliou a vantaxe castelá en dous dobres penaltis a falta de 1’40” e 23”.
Mércores 21, Zaragoza en Vista Alegre
O balón volverá rodar xa o mércores coa xornada 5 en Vista Alegre. Os pupilos de Juanma Marrube saltarán á pista ás 20.30 horas para medirse a Fútbol Emotion Zaragoza.
Ficha técnica
Viña Albali Valdepeñas FS: Edu, José Ruiz, Cainan, Chino, Matheus, cinco inicial; tamén xogaron Dani Santos, Xavi Cols, Rafael Rato, Sergio González, Catela, Juanan, Nano, Álex García
Pescados Rubén Burela FS: M. Kaluza, Iago Míguez, Pitero, Renato, Giasson, cinco inicial; tamén xogaron Álex Diz, David Pazos, Lucho, Matamoros, Quintela, Javi Rodríguez, Eto’o
Goles: 1-0, minuto 14, Catela; 2-0, minuto 18, Juanan; 2-1, minuto 27, Iago Míguez; 3-1, minuto 39, Chino (d. p.), 4-1, minuto 40, Chino (d. p.)
Árbitros: Mayo López // Panadero Díaz-Concha. Por Valdepeñas amarela para Cainan (minuto 11), Chino (minuto 13). Por Burela amarela a Matamoros (minuto 10), Eto’o (minuto 11), Javi Rodríguez (minuto 29, minuto 40), Álex Diz (minuto 34), Iago Míguez (minuto 40)
Incidencias: Partido correspondente á xornada 4 de Primeira División Masculina disputado no Virgen de la Cabeza.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
