Ribadeo, 12 de novembro de 2020. APAGA recibirá a próxima semana a visita de dous profesores croatas que farán un percorrido por diferentes centros de ensino da Mariña e de Ferrolterra e por empresas de automoción da comarca. A estancia dos docentes prolongarase do 16 ao 21 de novembro.
O presidente de APAGA, Álvaro Doural, anunciou que “dentro do plan que temos previsto na nosa organización de acollida de profesores e alumnos doutros países da Unión Europea, a próxima semana nos van visitar dous profesores da Escola Politécnica de Zagreb, en Croacia, e van estar con nós desde o luns ata o sábado, realizando unha serie de visitas tanto a empresas como a institucións educativas”.
Doural explicou que “van visitar o CIFP Porta da Auga de Ribadeo, o Ferrolterra en Ferrol e empresas da zona ás que nosoutros levamos a Aos profesores que veñen como é o caso de Recense ou Hermanos Rega, ademais da parte turística e lúdica de visita que realizarán a Mondoñedo, Lourenzá ou Ribadeo, entre outras localizacións”.
O presidente de Asociación de Profesores de Automoción de Galicia dixo que “é algo importante dentro do que nós estamos facendo, nos últimos anos, que é acoller á xente que ven doutros países. Penso que se lle dá visibilidade á Mariña, a Ribadeo, a Mondoñedo e a todos os pobos que temos na contorna. Outra cousa é que ao mellor todo isto que se está facendo non se valore polas institucións da zona, pero nós seguimos traballando nese campo, xa digo que creo que é importante para a comarca e para a nosa institución”.
Por outra banda, os días 14 e 15 de novembro terá lugar en Ribadeo unha nova fin de semana tecnolóxica, que estará centrada nos sistemas auxiliares do motor.
Curso online sobre vehículos eléctricos.
APAGA está organizando un curso online sobre vehículos eléctricos cuxa participación está aberta a todo o territorio estatal. O seu presidente indicou que “estamos neste momento cun proxecto para dar a coñecer a nosa entidade a nivel do territorio nacional cunha actividade formativa online, que xa fixemos fai uns meses pero que agora imos repetir para toda a xente do territorio nacional que estea disposta a facela, que é un curso de vehículos eléctricos”.
Álvaro Doural engadiu que “se enviaron correos electrónicos a todo o profesorado que está exercendo a docencia en todos os institutos de España. Levamos dous días traballando neste tema e estamos recibindo cantidade de correos electrónicos de xente non tan só interesándose polo curso senón tamén pola nosa asociación, co obxectivo de facerse socios, de aportar nalgúns casos xente que está facendo proxectos, o que se di compartir o coñecemento que eu creo que é importante. Contactou con nós xente de sitios tan dispares como poden ser Málaga, Cataluña, Valencia ou Madrid. É algo novo, proposto por un socio noso que é o secretario da organización, Juan José Martínez Fernández, que é de Murcia. El foi creando unha base de datos moi valiosa onde ten incorporado todos os profesores, ou case a maioría, que neste momento exercen docencia na nosa especialidade, a familia profesional de mantemento e de transporte de vehículos”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
