Lugo, 21 de novembro de 2020. A conselleira de Emprego e Igualdade, María Jesús Lorenzana, acompañada do delegado territorial da Xunta en Lugo, Javier Arias, mantiveron hoxe un encontro coa directiva da Confederación de Empresarios de Lugo (CEL) para avanzar nos proxectos que a Xunta está a desenvolver no camiño da reactivación económica e referendar o seu compromiso co tecido productivo mediante a aprobación onte dun orzamento de 11.563 millóns de euros -o maior da historia de Galicia- e a activación das liñas de axuda -dotadas con 84 millóns de euros – para axudar a persoas autónomas, microempresas e, en especial, ao sector da hostalaría.
Ante os representantes da CEL, Eduardo Valín e Jaime Luis López, conselleiro delegado e secretario xeral da entidade respectivamente, Lorenzana destacou a relevancia que o Plan de rescate para persoas traballadoras autónomas, microempresas e sector da hostalaría terá para os empresarios desta provincia “do que por suposto poderán beneficiarse os asociados da CEL e coñecidos máis afectados polas consecuencias da pandemia”, apuntou.
O plan, especificou a conselleira, “está dotado con 84 millóns de euros e caracterizado pola accesibilidade dos seus requisitos e a axilidade á hora de tramitar ás axudas, xa que en cuestión dun mes os primeiros solicitantes xa estarán cobrando o apoio económico para contribuír ao mantemento da súa actividade empresarial”.
“Os e as lucenses poderán seguir contando co compromiso da Xunta desde todos os departamentos que a conforman”, engadiu, para evidenciar a continuación que boa proba disto “son os presupostos que aprobamos no Consello do día de onte, cun total de 11.563 millóns de euros para o ano 2021, o que supón un incremento dun 14% con respecto a este ano”.
Nesta liña a titular de Emprego asegurou que “ante maiores dificultades maior é a aposta que realiza a Xunta polas galegas e galegos, e por iso onte anunciamos o maior presuposto da historia da nosa autonomía”.
Man tendida
A conselleira de Emprego e Igualdade visitou hoxe Lugo para coñecer de primeira man as necesidades máis urxentes dos e das lucenses. “Tanto eu, como titular da Consellería de Emprego e Igualdade, como en representación do equipo de Goberno da Xunta de Galicia, prometo atendelas e intentar darlles resposta o antes posible”, comprometeu.
A Xunta leva anos colaborando de xeito ininterrompido coa CEL, “entidade máis representativa e posiblemente máis lonxeva do ámbito empresarial” dixo Lorenzana. “Desde que entramos no Goberno no ano 2009 levamos investidos na Confederación de Empresarios de Lugo a través da área de Emprego máis de 7,4 millóns de euros”, engadiu.
Estas contías estiveron destinadas principalmente á realización de actividades de información, orientación e busca de emprego así como á formación para o emprego de persoas traballadoras ocupadas, unhas tarefas para as que a Xunta mantén a man tendida.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
