Ribadeo, 5 de novembro de 2020. O alcalde, Fernando Suárez, subliña que o Concello ven de conseguir unha autorización xenérica para realizar traballos de retirada de árbores secas e corta e poda de vexetación en ríos e regos do termo municipal que son competencia da Confederación Hidrográfica do Cantábrico, é dicir os que desembocan no río Eo ou na ría de Ribadeo. Aquelas persoas que desexen facer uso desa autorización deben presentar unha comunicación no Concello de Ribadeo.
O rexedor declarou que “no ánimo de simplificar ao máximo as tramitacións administrativas, vimos de conseguir que a Confederación Hidrográfica do Cantábrico lle conceda ao Concello de Ribadeo unha autorización xenérica para realizar traballos de retirada de árbores secas, de podas ou de corta de vexetación, nos ríos e nos regos do noso concello, que resulten da competencia deste organismo, que son os que desembocan no río Eo ou na ría de Ribadeo, mentres que os que desembocan na costa, no mar Cantábrico, seguen resultando da competencia de Augas de Galicia”.
Suárez Barcia dixo que “os veciños que queiran facer uso desta autorización, á hora de desenvolver traballos como retirada de árbores secas ou caídas, podas, rozas, etc…, no ámbito de afección destes ríos ou regatos, deberán presentar unha comunicación previa no Concello, cubrindo un formulario que hai establecido e sen a necesidade de acudir nin á Confederación Hidrográfica nin a ningunha das súas oficinas”.
O alcalde engadiu: “se alguén quere realizar este tipo de traballos nos ríos e regos que desembocan na costa, neste caso as xestións administrativas si que se deben realizar directamente diante de Augas de Galicia, que ten para iso establecido o correspondente procedemento de declaración responsable. Para máis información ao respecto poden contactar coa Área de Medio Ambiente no teléfono do Concello ou no correo electrónico sostibilidade@Ribadeo.org.”
Ribadeo conseguiu da confederación hidrográfica unha autorización xenérica para a retirada de árbores secas e para a corta e poda de vexetación nos ríos e regos que desembocan no Eo e na ría
Relacionado
-
O BNG demanda a Rueda explicacións sobre “o incumprimento inaceptable” do prazo para limpar as faixas secundarias nos concellos de menos de 10.000 habitantes
-
USO xustifica o seu voto pola ausencia de criterios homoxéneos na RPT de Ortigueira
-
Vilalba avanza na mellora das pistas municipais con novas actuacións en San Simón da Costa
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
