Boas novas chegan de Bruxelas, nunha acción dinámica da burocracia europea, forzada pola presidencia xermánica iso si, desbloquéanse os fondos para a loita contra as repercusión económicas da pandemia. É unha realidade que as institucións europeas son un garante de cara a eventuais situacións de risco nos países membro. Unha resposta coordinada e unificada da hoxe, economía e zona comercial máis forte a nivel global é un bálsamo para a grave situación provocada pola pandemia. Sinalar e recoñecer que a resposta é máis contundente que a de 2008. Unha Europa máis dinámica é máis Europa
O BCE, deostado por moitos, aprobou tamén a inxección monetaria nos mercados para paliar as caídas de PIB na zona Euro e mobilizar a economía. Neste senso gustaría moito da opinión dos políticos e políticas galegos que están manifestamente en contra do BCE pero apoian a regulación en países como Venezuela, que pasaría se Europa non tivese un regulador financeiro que poda activar o mercado? Onde quedan aquelas voces que en Marzo falaban contra a UE?
Aplaudir a contundencia no tratamento a Polonia e Hungría polo seu intento de veto, pode ser o inicio dun control efectivo dos valores da UE nestes estados e o preciso aviso a navegantes, mais cómpre non perder de vista esta acción e fiscalizar a súa política interna, que debe construír a resposta da Unión aos extremos políticos.
O fondos Next Generation EU, deben ser para Galicia a oportunidade de cambio de paradigma económico, de modernización e posta en valor da nosa potencialidade. Ollo, aquí temos que ser fortes contra os ventos centralizadores na xestión e tutela dos fondos, Europa ten que escoitar ás rexións e aos entes locais na xestión dos 750 mil millóns de euros, que son o futuro das próximas xeracións. Europa sen rexións, Europa sen cultura, Europa sen identidade de cada pobo non sería o que é. A acción conxunta dos partidos de Galicia ten que contrapoñerse co afán de poder de Pedro e Pablo.
Piñeiro Docampo,
Sº XERAL DE CxG
MEMBRO DO CONSELLO DO PARTIDO DEMÓCRATA EUROPEO
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
