Cervo, 11 de decembro de 2020. O Concello de Cervo, a través da delegación de Medio Ambiente, realizou nestes últimos dous meses, traballos de reposición de especies autóctonas, roza e eliminación de rebrotes de eucalipto nunha parcela municipal en Cuíña, que ten unha superficie de 6 hectáreas, e na que nos últimos anos se levan plantados 4000 exemplares entre bidueiros, castiñeiros, piñeiros, nogueiras, carballos, acivros, salgueiros, loureiros ou espiños.
O alcalde, Alfonso Villares, e a edil de Medio Ambiente, Mali Méndez, achegáronse ata a zona para ver en primeira persoa o resultado dos traballos, que se repiten, regularmente, en diferentes parcelas de titularidade municipal, “froito da campaña de reforestación con árbores do país que puxemos en marcha hai 12 anos e que a día de hoxe supera xa as 25 hectáreas de superficie repoboada”.
Neste senso Villares subliñou que “estamos a facer un traballo con previsión de futuro, que deixaremos en herdanza aos nosos fillos, co que tamén poñemos en valor o bosque autóctono galego, e que dará os seus froitos a medio prazo, tanto a nivel turístico, polo embelecemento do propio bosque, como a nivel económico-produtivo; animando pois aos nosos veciños a que revitalicen as súas fincas con estas especies que poden chegar a ser incluso un medio de vida a medio prazo”.
O noso obxectivo – apunta Méndez – “é favorecer a creación de novos bosques con estas especies e outras frondosas; que outorgan un valor engadido aos nosos terreos e que, ademais, pola súa natureza, actúan de cortalumes no caso de que se declare un incendio”.
Está claro que a política de reforestación non vai dar resultados inminentes –engade o rexedor- “pero a medio prazo poderemos desfrutar en Cervo de magníficas paisaxes esculpidas con frondosas autóctonas que poden ser tamén unha importante contribución económica para a veciñanza, e un bo antídoto contra a propagación dos lumes; porque os bosques autóctonos son, sen dúbida, tanto no sentido paisaxístico como no produtivo, unha herdanza de incalculable valor para as futuras xeracións”, concluíu.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
