Lugo, 3 de decembro de 2020. O Presidente da Deputación de Lugo, José Tomé Roca, supervisou en Monforte de Lemos o inicio dos traballos do plan de aforro enerxético ILUMIN@ neste municipio da Ribeira Sacra. Tomé Roca estivo comprobando estas primeiras accións xunto ao equipo técnico da Axencia de Enerxía da institución provincial, representantes da empresa que prestará o subministro nesta zona e da empresa que dá asistencia técnica ao plan. Neste proxecto están involucrados 38 concellos da provincia que decidiron adherirse para cambiar luminarias convencionais por outras LED que consuman e contaminen menos.
O mandatario provincial lembra que os contratos coas tres empresas que desenvolverán estes traballos se asinaron o pasado martes e “xa están traballando nesta mesma semana, desenvolvendo unha primeira fase do proxecto, que consiste na inspección das instalacións eléctricas dos concellos para ver o seu estado, comprobar se é necesario cambiar algún elemento a maiores ou se cómpre renovar máis elementos para que as actuacións sexan o máis eficientes e óptimas posible”.
Engade Tomé Roca que igual que no caso de Monforte de Lemos, o persoal técnico tamén estivo na Pobra do Brollón. O persoal da Deputación responsable da execución do proxecto Ilumin@ e o persoal correspondente das empresas adxudicatarias desprazaranse aos distintos concellos que se sumaron a este proxecto para realizar os correspondentes replanteos para iniciar os traballos de instalación do material eléctrico o máis pronto posible.
No caso de Monforte de Lemos, acometerase a renovación do alumeado, iluminación e sinalización exterior das rúas Rosalía de Castro, Concepción Arenal, Severo Ochoa e López Suárez, onde se renovarán 52 puntos de luz cun investimento de preto de 20.000€. Isto suporá un aforro de consumo de enerxía eléctrica do 84% nestas rúas, segundo refiren os informes técnicos.
Pola súa banda, no caso da Pobra do Brollón, o Ilumin@ contempla a mellora do alumeado público dos núcleos rurais de Piñeiros, Vilarmao e Castroncelos. Vanse renovar 44 puntos de luz cun investimento de preto de 11.600€. Neste caso, o aforro enerxético será do 54% con respecto á actual instalación.
Contrato en 3 lotes
O contrato para executar o plan de aforro enerxético Ilumin@ foi adxudicado en preto de 530.000€ e divídese en tres lotes, cada un por unha zona xeográfica da provincia. O prazo de execución dos traballos é de 6 meses. O Lote 1 correspóndese coa zona norte e foi adxudicado á empresa Manuel Novoa Castro S.L.U. Inclúe os concellos de Meira, Burela, A Pastoriza, Riotorto, Lourenzá, Ourol, Mondoñedo, Xermade, O Vicedo, Ribeira de Piquín, Alfoz, Trabada, O Valadouro e Vilalba.
No caso do Lote 2, relativo á zona centro da provincia, foi adxudicado á empresa Hallmann Energie, S.L., e correspóndese con: Baralla, Begonte, Castro de Rei, Castroverde, Cervantes, Cospeito, Friol, Guntín, Láncara, Navia de Suarna, Negueira de Muñiz e Rábade.
Pola súa banda, o Lote 3 foi adxudicado á empresa Cyme Santos Héctor, S.L., e comprende aos concellos da Pobra do Brollón, As Nogais, Carballedo, Folgoso do Courel, Monforte de Lemos, O Incio, O Páramo, O Saviñao, Pantón, Quiroga, Samos e Sober.
O plan ILUMIN@
O plan Ilumin@ está dotado con 723.000€, dos que o 80% son fondos europeos que a Deputación conseguiu a través do IDAE (Instituto de Desenvolvemento de Aforro Enerxético), un organismo dependente do Ministerio de Transición Ecolóxica.
Con este plan, os 38 concellos da provincia que decidiron adherirse cambiarán en total unhas 3.200 luminarias por outras de tecnoloxía LED, o que suporá un aforro conxunto de 62.000€ ao ano, isto é, ata un 63% da facturación eléctrica das instalacións municipais nas que se actuará, fundamentalmente alumeados públicos exteriores.
Ademais, a tecnoloxía LED permitirá reducir o consumo nun total de 450.000 quilovatios ao ano, o que minimizará tamén a pegada de carbono.
O plan ILUMINA@ forma parte do obxectivo estratéxico da Deputación de cooperar cos municipios da provincia para que poidan prestar servizos públicos eficientes á cidadanía aforrando custes, pero tamén preservando o medio ambiente.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
