A Selección Española convoca ó xuvenil Jorge Quelle

O traballo das Nosas Xoias segue obtendo os seus froitos. O xuvenil Jorge Quelle recibiu esta mañá o chamamento da Selección Española para a concentración de Sub-19 e Sub-18 que terá lugar en Las Rozas entre o 17 e o 20 de xaneiro. Outro burelista que xa ten marcados na súa axenda compromisos de selección é o meta Míchal Kaluza, que preparará as maletas para a concentración de Polonia, entre o 24 de xaneiro e o 4 de febreiro. O porteiro laranxa defenderá o seu combinado en dous partidos fronte ao equipo luso, o 29 de xaneiro (20.15 horas, Mafra) e o 3 de febreiro (16.00 horas, Lodz).