Madrid, 12 de xaneiro de 2021. O Bloque Nacionalista Galego acaba de presentar unha Proposición Non de Lei no Congreso para instar o Goberno a crear na Galiza o Centro para a Competitividade e a I+D+i no Almacenamento de Enerxía que se situaría no concello das Pontes, tal e como xa fixera como emenda parcial no debate dos Orzamentos Xerais do Estado para 2021.
Néstor Rego salientou que “o coñecido como Plan Nacional Integrado de Enerxía e Clima 2021-2030 (PNIEC) estabelece obxectivos, políticas, e medidas para, segundo o goberno do Estado, alcanzar a neutralidade climática antes de 2050”. Este plan sinala o almacenamento de enerxía nas súas diversas formas como unha das tecnoloxías que serán claves para a descarbonización, incluíndo 6 GW para a próxima década no sector eléctrico, cun balance de case 250 TWh para 2030. Tamén prevé a elaboración dun Plan de Desenvolvemento Industrial que permita capturar o máximo potencial en canto á xeración de desenvolvemento económico e emprego industrial derivados da transición enerxética, en que o ámbito do almacenamento pode supor unha oportunidade para desenvolver unha cadea de valor propia que sexa competitiva a nivel galego, estatal e internacional.
O BNG considera que a aplicación de diversas tecnoloxías de almacenamento dentro de una mesma rede, o desenvolvemento e testado de novos sistemas, e a investigación e desenvolvemento no campo do almacenamento enerxético teñen nas Pontes un enclave perfecto para a súa implantación- O deseño de cada instalación de almacenamento, así como a súa programación temporal, coordinaríase co ritmo da instalación das fontes renovábeis no termo municipal, posibilitando dar resposta á necesidade de probar, en escenario real, o comportamento das diferentes tecnoloxías eléctricas, electroquímicas, mecánicas, térmicas e químicas do almacenamento, a gran escala, en redes, e a nivel de usuario final.
“Co fechamento das dúas térmicas de carbón e coa problemática das electrointensivas, fundamentalmente nos centros de Aluibérica na Coruña e de Alcoa na Mariña, Galiza continúa a derivar unha parte importante (33 %) da súa xeración eléctrica fóra do propio País” sinalou Rego
A formación nacionalista propón que este Centro sexa creado como fundación do sector público estatal, adscrita ao Instituto de Transición Xusta, con achegas de distintos ministerios por ser un asunto que afecta transversalmente a varios deles.
O portavoz do BNG no Congreso, Néstor Rego, considera que o Goberno deberá negociar e acordar coa Xunta de Galiza, coa participación do Concello das Pontes, os aspectos relacionados coa xestión, achegas económicas, instalacións, medios materiais e humanos, programación de actividades para 2021-2030, e posta en funcionamento inmediata do Centro para a Competitividade e a I+D+i no Almacenamento de Enerxía na Galiza. Ademais de realizar unha convocatoria pública, unha vez constituída e formalizada, para a participación e/ou colaboración de institucións, organismos e/ou empresas interesadas.
“Este centro sería fundamental para dar un novo impulso económico a unha comarca especialmente castigada polo peche de Endesa e polo desmantelamento industrial permanente que aínda recentemente coñeceu un novo e lamentábel episodio co anuncio de peche de Siemens-Gamesa” lembrou o deputado nacionalista.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
