Mondoñedo, 30 de decembro de 2020. Un grupo de mindonienses vinculados ao mundo da cultura, as artes, o asociacionismo e a política veñen de redactar un manifesto crítico co proxecto de reforma da Praza da Catedral de Mondoñedo. Entre outras cousas, os preto de 30 asinantes, alegan que o proxecto non foi sometido previamente de maneira formal e coa publicidade axeitada á consideración da veciñanza ao tempo que entenden que esta actuación alteraría de xeito dificilmente reversible a estrutura, fisonomía e usos actuais deste espazo urbano, neste senso sinalan que para afrontar calquera reforma desta envergadura nun lugar tan sensible e emblemático ten que partir dun debate aberto e transparente coa veciñanza. Despois de consultar a diferentes técnicos na materia argumentan que o orzamento previsto, incluída a partida achegada polo Ministerio de Transportes, é notoriamente insuficiente.
Os e as asinantes agrumentan que unha actuación de tales características debería partir do marco dun proxecto global de cidade e que debería ser un proxecto humanizador no que converxan a memoria, a historia, o presente e o futuro que pretendemos para Mondoñedo.
En contra da idea inicial coa que se presentaron as obras, o proxecto que se fixo público non vai, como se afirma, na dirección de recuperar a fisonomía da praza anterior a 1968 senón que, ao contrario, incide nos defectos da que se realizou naquel entón.
Entenden que a necesidade de resolver problemas como accesibilidade, saneamento, recambio de pavimentación ou mellora de iluminación poden levarse a cabo sen necesidade de realizar actuacións tan lesivas e cun elevado custo económico.
Rematan o seu escrito dicindo que unha reforma nun espazo tan simbólico e tan sensible para o funcionamento da cidade como a Praza da Catedral, debe facerse co consenso imprescindible da cidadanía, coas máximas garantías democráticas. Así, NON!
Nos vindeiros días habilitaranse espazos para a recollida de sinaturas en diferentes lugares de Mondoñedo e tamén en plataformas de internet para que todas aquelas persoas que o desexen podan sumarse ao manifesto.
MANIFESTO
Así, NON!
Sobre o proxecto de reforma da Praza da Catedral de Mondoñedo
Como veciñas e veciños, residentes ou non, do concello de Mondoñedo que hai moi poucos días tivemos coñecemento dos detalles dun proxecto de reforma da Praza da Catedral de Mondoñedo e dada a magnitude das consecuencias que prevemos, as persoas abaixo asinantes acordamos redactar e facer público este manifesto:
CONSIDERANDO:
1º.- Que o proxecto, que xa está na fase final procedimental, incluso cos permisos e trámites ultimados, non foi sometido previamente de maneira formal e coa publicidade axeitada á consideración da veciñanza.
2º.- Que segundo se asegura na memoria que acompaña o proxecto xustifícase para resolver problemas de accesibilidade, saneamento, repavimentación, mellora de iluminación e paseo.
3º.- Que a obra prevista reduce considerablemte os espazos diante da fachada de catedral, ao anchear e avanzar o cantón anexo aos soportais coas escaleiras uns dous metros contra a fachada da catedral e trasladar o muro do lado norte 2’5 metros na mesma dirección, ademais de aumentar a súa altura; alterando de xeito dificilmente reversible a estrutura, fisonomía e usos actuais deste espazo urbano, centro neurálxico e emblemático singular, parte dun Conxunto Histórico-Artístico e Patrimonio da Humanidade dos Camiños a Santiago.
4º.- Que en opinión dalgúns técnicos, o orzamento previsto, incluída a partida achegada polo Ministerio de Transportes, é notoriamente insuficiente polo que será preciso amplialo de xeito que calquera incremento orzamentario na obra terá que ser asumido polo concello de Mondoñedo.
PROPOÑEMOS:
1º.- Que previamente a calquera iniciativa concreta de reforma deste espazo se deben procurar respostas colectivas a cuestións básicas como se esta é necesaria, se é urxente e cal é a finalidade desta agresiva alteración da praza.
Entendemos que afrontar calquera reforma desta envergadura nun lugar tan sensible e emblemático ten necesariamente que partir en tempos democráticos dun debate aberto e transparente coa veciñanza e, no caso de considerarse necesarios cambios ou melloras, comezar cun traballo de campo exhaustivo que permita definir e valorar necesidades e rematar avaliando distintas solucións (a través de, por exemplo, un concurso de ideas) a fin de conseguir o maior concenso social en tan delicada empresa.
2º.- Que calquera proposta de reforma neste sentido debe considerar a praza no seu conxunto como un ben patrimonial singular e único, lugar de fundación da propia cidade, integrador de todos os seus espazos, cada un coa súa historia (lugar de decapitación de Pardo de Cela, antiga sede do concello, residencia e museo de Cunqueiro, Catedral, Pazo bispal, estatua de Cunqueiro…).
Ten que ser ademais un proxecto humanizador no que converxan a memoria, a historia, o presente e o futuro que pretendemos para Mondoñedo.
Para todo iso é imprescindible a previa descrición dos usos previstos a medio e longo prazo no marco dun proxecto global de cidade.
3º.- Que, en definitiva, o proxecto que se fixo público non vai, como se afirma, na dirección de recuperar a fisonomía da praza anterior a 1968 senón que, ao contrario, incide nos defectos da que se realizou naquel entón.
4º.- Que a necesidade de resolver problemas como accesibilidade, saneamento, recambio de pavimentación ou mellora de iluminación poden levarse a cabo sen necesidade de realizar actuacións tan lesivas e cun elevado custo económico.
5º.- Que se se considerase necesaria unha reforma nun espazo tan simbólico e tan sensible para o funcionamento da cidade como a Praza da Catedral, debe facerse co consenso imprescindible da cidadanía, coas máximas garantías democráticas. Así, NON!
Mondoñedo, a 30 de decembro de 2020.
Asinantes do manifesto:
Alicia Puchades Tella-Villamarín / Alvaro Franco Vázquez /Ángel Díaz García / Antón Xosé Meilán García / Beatriz Martínez Gayoso / Daniel Rio (caxigueiro) / Ernesto González Torterolo / Francisco Javier Bouso Bouso / José Chao Vega / José Manuel Arias Fernandez / Julio Rodríguez Leiras / M. Javier Loira Rúa / Mª José Martinez Anello / Manoel Baña Castro / Manuel Orlando González Cruz / Manuel Ramón García Martín / Margarita Bermúdez Rubiños / María Consuelo Fernández Reigosa / Mario Bernardo Lage Muiño / Mauro Leivas Rivas / Mercedes Teijeiro Gato
Miguel Chao Miguez / Miguel Souto Cabana / Modesto Díaz García / Natividad Magdalena Domenech Gruñeiro / Pablo Rodríguez García / Xosé Vizoso Fernández / Xusto Fernández Haro
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
