Lugo, 22 de xaneiro de 2021. O voceiro do BNG Efrén Castro adiantou que o grupo nacionalista presentará no vindeiro pleno provincial, o martes 26 de xaneiro, unha moción que insta á Xunta de Galiza a reforzar o sistema sanitario público para responder ás necesidades derivadas do empeoramento da situación epidemiolóxica e avanzar na vacinación da poboación.
O BNG solicita “a ampliación do persoal tanto nos centros hospitalarios como de atención primaria, a fin de que a coincidencia da nova vaga de contaxios, con peores indicadores que a primeira segundo recoñeceu o propio goberno, e a campaña de vacinación non colapsen os servizos sanitarios”
A moción tamén demanda “a presentación no Parlamento galego dun plan de vacinación detallado e transparente para abordar con garantías un dos maiores retos que ten que atender o Sergas, como é o de vacinar a toda a poboación no menor prazo posíbel”.
“A velocidade do novo repunte de contaxios está xerando inquedanza e preocupación, tanto na poboación como nas profesionais sanitarias, especialmente da Atención Primaria que se mantén asfixiada ao ter que abarcar toda a atención das patoloxías ordinarias, detección de novos casos, petición de PCRs, seguimento dos doentes positivos nos seus domicilios, e afrontar a campaña de vacinación sen que se coñeza cal é previsión de reforzo de profesionais”, indicou o voceiro nacionalista.
O BNG tamén presentará xunto ao PsdG, como proposta de goberno, unha moción que demanda á Xunta de Galiza a creación dun fondo Covid extraordinario para as entidades locais e liñas de axuda específicas para os sectores máis afectados pola situación sanitaria.
Efrén Castro explicou que “a moción recolle a posición que o BNG puxo sobre a mesa hai semanas, pedindo que os decretos de restricións sanitarias inclúan no propio texto liñas de axudas e mecanismos áxiles para facelas chegar ás persoas beneficiarias. Tamén se propón a creación dunha mesa institucional con representación de todas as administracións para colaborar en medidas e liñas de apoio, dacordo co nivel competencial e coa capacidade económica de cada unha delas”.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
