Foz, 27 de xaneiro de 2021. O alcalde de Foz, Fran Cajoto, anuncia as medidas que adopta o Concello tralas restricións impostas polo goberno da Xunta de Galicia na orde do 26 de xaneiro de 2021. Entre elas están a supresión de taxas para establecementos hostaleiros, como as das terrazas ou da recollida de lixo, e o peche de instalacións municipais.
O rexedor municipal explica que “Foz continúa con 10 casos positivos en COVID-19 diagnosticados nos últimos 14 días, 2 menos que na xornada anterior. De todos formas no Concello de Foz somos consecuentes coas normas e disposicións adoptadas polas outras administracións, neste caso pola Xunta de Galicia, que é quen ten as competencias”.
Así, o alcalde anuncia a suspensión das xornadas gastronómicas imPULSA Foz, que comezaron a semana pasada. “Organizamos estas xornadas como un impulso á hostalería local, poñendo o acento no consumo responsable nos nosos establecementos e axudando a bares, restaurantes e comercios con 2.000 euros en vales canxeables en establecementos de Foz. Este mércores día 27 fíxose o primeiro sorteo, de 500 euros en 10 vales de 50 euros. Sen embargo dadas as novas restricións e o peche obrigado da hostalería, debemos ser consecuentes e proceder á suspensión temporal da campaña”, engade Fran Cajoto.
Ademais o alcalde destaca: “de tódolos xeitos seguiremos actuando de forma responsable e apoiando sempre ao tecido comercial local porque son moitas veciñas e veciños, autónomos e pequenos empresarios, que viven do sector servizos. Tódalas nosas accións van encamiñadas a apoiar e potenciar a actividade comercial, sempre de forma responsable pola persistencia da enfermidade. En verán fomos dos poucos ou case o único concello que fixemos pequenas actuacións musicais na rúa, tamén levamos o cine ao exterior, continuamos con diversas campañas como o imPULSA Foz e coa actividade cultural cunha programación moi completa de teatro e outras actividades. Non queremos esquecer tampouco a exención de taxas que se fixo no anterior peche obrigado do mes de marzo de 2020. É por iso que procederemos de igual xeito que no Decreto de Alcaldía de data 26/04/2020 durante o período de peche, suprimindo taxas como as terrazas ou a recollida de lixo, neste caso previa solicitude”.
Cajoto indica tamén que “o que non vamos permitir desde o Concello son demagoxias ou populismos nesgados e malintencionados. Estamos a ver como desde o Partido Popular de Foz se nos piden axudas de medio millón de euros, supresión de taxas e ao mesmo tempo arranxos de rúas que levan moitos anos en mal estado, da época na que estaban gobernando. Estamos a facer un traballo serio e rigoroso, actuando onde nos permiten as leis e sendo consecuentes cos nosos actos. Non é de recibo que se pretenda, coa que está caendo, disfrazar a realidade e pretender que se invista o que non se fixo en 8 anos e con menor recadación, co agravante de deixar un concello cuns gastos comprometidos maiores ca nunca. As administracións debemos ser leais as unhas coas outras: eu persoalmente non comparto moitas das medidas para atallar o COVID-19 pero acátoas. Non é xustificable que, sen ningún tipo de acordo ou conversa mínima, a Xunta fale en nome dos concellos para cofinanciar unhas supostas axudas ou fondos, con tres das catro deputacións en contra. Estas actitudes xeran malestar e desconfianza, nuns momentos difíciles nos que todos debemos sumar e traballar de forma conxunta”.
O alcalde de Foz anuncia tamén a publicación dun bando coas medidas a adoptar conforme a orde do 26 de xaneiro da Xunta de Galicia, no que se informa a todas as veciñas e veciños de que permanecerán pechadas distintas instalacións como a Escola de Música, piscina, museo da Basílica, Pavillón de Marzán, Campo de fútbol de Malates, Pistas de tenis e pádel de Marzán e outros de usos múltiples. Os parques infantís e zonas deportivas ao aire libre permanecerán abertos pero con aforo máximo conforme á cartelería disposta.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
