Lugo, 30 de xaneiro de 2021. O deputado lucense e Vicepresidente Primeiro da Comisión de Agricultura, Pesca e Alimentación do Congreso dos Deputados, Javier Cerqueiro dixo hoxe que “o proxecto da PAC que defende o Goberno de Pedro Sánchez e o Ministro Planas, vai ser fundamental para Galicia e para os agricultores e gandeiros que realmente dependen da agricultura en todo o país. Con este proxecto defendemos como xusto e razoable que dúas persoas que cultivan o mesmo na mesma zona e nas mesmas condicións reciban a mesma axuda por hectárea”.
Cerqueiro explicou que a Reforma da PAC, “que entrou en vigor en 2015, estableceu a obrigación de poñer fin aos privilexios históricos. A converxencia cara ao valor medio de axuda de cada Comunidade é inexorable e canto máis perdure a discriminación máis desequilibrio e prexuízo xera. O 56% dos beneficiarios de axudas PAC de España verán incrementadas a súa axuda por hectárea. En calquera caso as modificacións son moi limitadas, por baixo do 10% na maioría dos casos”.
Así as cousas, subliña que “este novo modelo de Política Agraria Común está orientado cara a explotación familiar agraria, co fin de facilitar a incorporación de mozas ao campo, un modelo que evitará que se siga perdendo activo agrario, en definitiva, aquel modelo que garantiu que coa chegada da pandemia, puidese haber alimentos nas tendas e nas grandes superficies, pois non hai agricultura sen agricultores”.
O Deputado lucense sinalou que o modelo que defende o Ministro Planas “pasa por unha nova PAC que resultará fundamental para a incorporación de mozas que queren dedicarse ao campo, e que ademais garantirá a viabilidade para que se poida vivir da agricultura traballando”.
Cerqueiro puntualizou que “a idea desta nova PAC beneficiará aos pequenos e medianos agricultores de todo o país, xa que toma como referencia a explotación familiar agraria, e garantirá que ninguén quede atrás. Polo tanto non é unha PAC territorial, senón que toma como referencia as persoas. É unha PAC social, económica e medioambientalmente sostible, non só é beneficiosa para os agricultores senón tamén para os consumidores”, avanzou.
7.200 millóns de euros en cada ano (2021 e 2022)
“Agora mesmo estamos traballando e facendo o que se nos está aconsellando desde Europa”, insistiu o deputado. Por último aludiu a aprobación esta mesma semana do real decreto que dará continuidade ás axudas da PAC, “esta norma asegura un marco estable para que agricultores e gandeiros poidan percibir 7.200 millóns de euros en cada ano (2021 e 2022), ata a entrada en vigor da nova PAC”, resumiu.
Datos en Galicia
Galicia recibiu no exercicio 2019 un total de 336 millóns de euros de fondos europeos da PAC que percibiron 28.894 beneficiarios, o que supuxo un 4,9 % do importe total de España.
11.337 beneficiarios de axudas directas na provincia de Lugo
Na pasada campaña 2019-2020 da PAC segundo os datos oficiais na nosa provincia houbo un total de 11.337 beneficiarios destas axudas directas, o que supuxo un montante económico de 82.941.626 euros, que contribuíron na mellora da produtividade agrícola de Galicia.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
