Burela, 3 de febreiro, 2021. A internacional brasileira Luísa Mayara da Silva Borges (Blumenau, 1991) estrearase no fútbol sala español como reforzo do Pescados Rubén Burela FS. A ala de 29 anos, que xa se atopa na Mariña, será presentada oficialmente pola estrutura das actuais Tricampioas unha vez cumpra co período de illamento domiciliario por protocolo Covid-19 e se realicen todos os trámites administrativos precisos.
Luísa Mayara, que xa compartiu vestiario e título de campioa na Selección do Brasil coas burelistas Cilene e Cami na Copa América 2019, recala procedente de Female Futsal e cunha ampla e recoñecida traxectoria dende o seu club natal Blumenau, pasando por Jaraguá do Sul, Brusque, Chapecó ata o italiano Lazio ou Adef de Brasilia. A nova mariñá amosouse moi feliz coa experiencia que se lle presenta por diante: “Creo que o Pescados Rubén é un grupo moi forte; sigo a súa traxectoria dende hai tempo. Quería novos retos e experiencias e o Pescados Rubén é o mellor desafío tanto pola competición como pola súa planificación, sempre tiven curiosidade por coñecer como era a súa estrutura de traballo; algo xa sabía polas miñas compañeiras da selección. Sempre crin que era un dos mellores equipos do mundo e agora vén de ser así recoñecido” explicaba a brasileira as súas impresións sobre o club mariñán.
A futura 12 laranxa será a segunda incorporación de inverno para o Mellor Club Feminino FutsalPlanet Awards 2020, despois do regreso no mes de xaneiro da súa compatriota, Jane Marques, que xa defendera a camisola das Guerreiras a tempada pasada. “De momento teño que adaptarme ao cambio horario e despois tocará sobre a pista; confío en que sexa no menor tempo posible para axudar ao equipo e claro, poder ser campioa tamén. Confío en poder sumar sobre todo nos últimos pases, coa miña lectura do xogo de cara á fronte”, confesaba así Luísa Mayara o seu desexo e confianza en estar axiña ao cento por cento sobre as canchas de Primeira.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
