Santiago de Compostela, 10 de febreiro, 2021. Pleno. A portavoz de sanidade hospitalaria do BNG, Iria Carreira interpelou ao conselleiro de Sanidade sobre a estratexia do goberno para a vacinación ante unha situación epidemiolóxica cambiante polo que preguntou como será distribuída a vacina, en que fases, con que dotación de infraestruturas e como será configurado o plan ante as diferentes características loxísticas que presentan as vacinas.
A nacionalista lembrou que dende o comezou da pandemia faleceron en Galiza, 2.016 persoas e custionou a anunciada “desescalada” cando continúan producíndose máis de vinte falecementos ao día, as UCIs levan tempo completas, foron habilitadas camas nas unidades de reanimación, espertar, para instalar a aparataxe. UCIs, coma a do Hospital Clínico do CHUS en “condicións lamentables” polas que as profesionais levan 13 semanas en folga”. Unha unidade sen cubículos illados e con material defectuoso, árbores para pendurar a medicación amañadas con esparadrapo ou portas de armarios desencaixadas a piques de caer. Esta realidade, afirmou a deputada é un “auténtico despropósito”.
Na pasada sesión plenaria, lembrou a nacionalista, o presidente da Xunta afirmaba que Galiza era un dos lugares máis seguros de Europa.Non sei se o afirmaba por autoconvencerse ou para convencer ao resto porque os datos do Ministerio de Sanidade reflicten o ingreso nas unidades de críticos nos últimos últimos 7 días, aproximadamente a cuarta parte de todos os ingresos que produciron en todo o estado español durante o mesmo período. Son cifras, que a xuízo da nacionalista, “merecen unha reflexión”.
Sobre as persoas falecidas na pandemia lembrou que no 2021 faleceron practicamente tantas persoas contaxiadas pola SARS-CoV-2 coma durante toda a primeira onda da pandemia. De feito, durante esta terceira vaga estamos a asistir a “máis de 20 falecementos diarios,” unha cifra que debe prender todas as alarmas, recalcou.
Atención teléfonica para substituír á presencial
A deputada asegurou que os profesionais continúan, despois dun ano, traballando en base “á atención telefónica”, un sistema excepcional xa afianzado por parte da administración. Profesionais que levan un ano dando o mellor de si mesmas para poder facerlle fronte a esta pandemia e que non dubidaron en sacar “unha mesiña á chuvia para facer test de antíxenos a pacientes sospeitosas de padecer a COVID que estaban no domicilio e evitar así que entrasen nun centro sanitario”. A cambio desta iniciativa recibiron “amonestacións” e convites da Xerencia a retirar a mesa pola “mala imaxe que se podía dar”.
Tamén esta vacinación tiña que facerse rápido e correndo, buscando a mellor foto e o mellor titular. A vacinación das profesionais sanitarias comezou o 13 de xaneiro, e avisóuselles un día e medio antes, o día 11 ás 7.30 da tarde. De feito, solicitouse ás xefas de servizos unha listaxe das traballadoras de cada centro, e nalgún caso comezaron a darse as citas antes de que esas listaxes chegasen a ser remitidas. “Coa présa de ter a mellor imaxe”, recalcou.
Vacinas sen protocolo para políticos e afíns ao PP
Iría Carreira criticou que políticos e políticas destacados do Partido popular saltaran os protocolos para seren vacinados. Alcaldesas ou conselleiras delegadas de grupos empresariais, afín sao PP que xustifican a súa inmunización polo tempo que pasan nas residencias de maiores”.
A parlamentaria do BNG concluíu a súa intervención apelando ao rigor ante a expectativa creada pola vacina e o acercamento ao horizonte postpandémico porque sabemos que ese “horizonte aínda está lonxe”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
