Santiago de Compostela, 24 de febreiro 2021. O BNG censura á Xunta o seu anuncio dunha moratoria ás novas plantacións de eucaliptos que finalmente non incorporou ao Plan Forestal de Galiza nin transaccionou co resto de forzas políticas durante a tramitación e votación final do texto celebrado hoxe no Parlamento galego. Un “brindis ao sol” máis do Goberno de Feixóo, logo que este trasladara aos medios de comunicación un anuncio neste sentido que, ademais, non se correspondía co que fixera chegar na xornada de onte ao resto de grupos da Cámara.
Durante o debate previo á votación, a portavoz nacionalista de Montes, María Albert, xa advertira da pouca fiabilidade deste movemento que vén demostrar que ao PP “dalle igual o que poña o documento”. “No papel colle todo, até que presenten como proposta estrela unha moratoria, que non prohibición, que xa está en vigor a día de hoxe e que levan saltando polo arco do triunfo durante 12 anos incumpríndoa sistematicamente”, recalcou.
Neste sentido, explicou que en 2016 a propia Xunta recoñecía unha superficie total de eucalipto, entre superficies puras e superficies mixtas, de 310.000 hectáreas, cifra que dous anos máis tarde xa se elevaba a 422.000 hectáreas. “Se o plan forestal de 1992 prevía 245.000 hectáreas para 2032 e en 2016 xa estaban a falar de 310.000, porque non pararon esta expansión? Tiñan os argumentos, tiñan a norma e tiñan a capacidade política e de goberno para facelo e non o fixeron”, reprobou para a continuación concluír que “sen embargo, agora témonos que crer que para que o BNG e o PSOE voten a favor deste plan, de repente van facer o que non fixeron durante 12 anos no goberno”.
Para a deputada nacionalista, do que se trata é de “gañar a batalla da opinión pública independentemente do que se faga no documento”, pese ao que felicitou con ironía ao PP por “sumarse á postura do BNG nos termos en que vén recollida na prensa de hoxe, non tal e como a presentaron onte”.
Albert subliñou que as propostas de resolución do PP ao texto, aprobado en solitario e sen aceptar nin unha soa das emendas da oposición, son un recoñecemento explícito de que os argumentos nacionalistas son correctos e, en todo caso, o intento “cosmético” do Executivo galego non soluciona todos os problemas do plan. Nesta liña enumerou os eixos sobre os que debía pivotar este instrumento normativo e entre os que citou a Rede Natura e os espazos protexidos, a atención aos montes en man común, a multifuncionalidade e a resilencia do monte galego.
Logo de repasar as múltiples eivas do texto, a portavoz de Montes concluíu: “van pasar dun plan, o de 1992, aprobado por unanimidade, a un que votan en solitario. Pregúntense por que”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
