Viveiro, 26 de febreiro de 2021. O Concello de Viveiro vén de decretar as medidas necesarias para adaptar os servizos municipais ao establecido na Orde e Decreto publicados pola Xunta de Galicia no día de onte, acordando en virtude dos mesmos:
– Manter a apertura ao público da biblioteca municipal cun aforo do 30% da capacidade máxima permitida.
– Manter a apertura ao público do Teatro Pastor Díaz, cun aforo do 30% da capacidade máxima permitida.
– Manter a apertura ao público da Oficina de Turismo.
– Manter a apertura das instalacións deportivas municipais (campos de fútbol e pavillóns e instalacións do club de tiro), para a práctica do deporte federado de ámbito nacional e autonómico, adestramentos e competicións.
– Acordar a apertura da piscina municipal con efectos do 26 de febreiro, cunha ocupación máxima do 30%.
– Manter o peche dos centros socioculturais e locais sociais municipais.
– Acordar a apertura das actividades institucionais, académicas ou profesionais en instalacións municipais, mantendo a suspensión do resto de actividades que estivese previsto levar a cabo en instalacions municipais.
– Manter o peche dos baños públicos e dos parques infantís municipais, que se irán abrindo de forma progresiva, atendendo á evolución. A previsión é que os parques infantís municipais se abran a vindeira semana, polo que xa se facilitará a data concreta.
– Manter as clases presenciais do Conservatorio Profesional de Música.
– Manter o servizo da escola infantil municipal.
Infórmase, tamén, que en virtude da orde e decreto referidos queda permitida a entrada e saída do Concello de Viveiro para desprazamentos entre municipios que se encontren no mesmo nivel.
Por outra banda, con respecto a hostelería e restauración, infórmase que se permite a súa apertura ao público ata as 18:00 horas; poderán prestar servizos de recollida no local ata as 21:30 horas e poderán realizar o servizo de entrada a domicilio ata as 24.00 horas. O aforo na terraza limítase ao 50% e no interior, ao 30%, non podendo prestarse servizo na barra.
Finalmente, lémbrase que se mantén o toque de queda e que os grupos de non conviventes se limita a catro persoas.
Unha vez máis, dende o goberno municipal pídese aos veciños e veciñas de Viveiro a máxima prudencia e o estrito cumprimento das medidas establecidas. A día de hoxe hai no noso municipio un total de 10 casos activos, polo que a situación é boa, pero é fundamental non baixar a garda para non volver a empeorar.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
