Lugo, 1 de febreiro de 2021. O PP solicita do goberno da Deputación a ampliación nun mes do prazo para que os concellos presenten as súas solicitudes e proxectos para o Plan Único 2021, un incremento necesario porque á complexidade da tramitación únense nesta ocasións os problemas derivados da pandemia.
O portavoz do grupo provincial popular, Javier Castiñeira, sinala: “O pasado 12 de xaneiro publicáronse no Boletín Oficial da Provincia as bases do Plan Único 2021 e nesa data deu comezo o prazo dun mes para que os concellos presenten as súas solicitudes e proxectos. Lembramos que hai días decretáronse novas medidas restritivas para loitar contra a terceira vaga da covid-19 e que hai varios concellos nos que os membros dos seus equipos de goberno e funcionariado ou están confinados preventivamente o están afectados. Á vista da situación, cremos que é necesario aumentar ese prazo un mes máis”. Este incremento do prazo é algo, sinala Castiñeira, “que nos expoñen diferentes concellos”. Explica: “Ademais das complicacións provocadas pola pandemia, este mes xa é bastante complexo de por si para moitos concellos, porque están aprobando os seus orzamentos, o que xera moito traballo administrativo. Así as cousas, a presentación do Plan Único nestas condicións pode ser un problema e algún concello podería quedarse atrás”.
O portavoz popular di: “O que quere o PP é que todos os concellos poidan tramitar os seus proxectos en tempo e forma e para iso necesitan un mes máis de prazo. Estamos a tempo. Neste caso temos que felicitar ao equipo de goberno da Deputación, porque tramitou en tempo e forma o Plan Único a finais do ano pasado; comparando co ano anterior, temos bastante máis marxe”.
Castiñeira sinala: “Solicitamos que o equipo de goberno da Deputación inicie a tramitación dese aumento de prazo e para elo terá a colaboración do PP naquelo que necesite. É necesario tamén porque moitos colaboradores e oficinas técnicas traballan con moitas limitacións a causa da pandemia. É necesaria esta prórroga e esperamos que o goberno provincial acceda a esta petición dos concellos”.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
