A Mariña, 1 de marzo de 2021. A Garda Civil, no marco da operación Thorir contra o tráfico de estupefacientes, desarticulou unha rede de tráfico de drogas, integrada na súa maioría por cidadáns residentes na Mariña lucense.
A operación iniciouse tras ter coñecemento que servizos de prostitución na zona poderían estar vinculados ao consumo de estupefacientes e ao tráfico ilícito destas drogas.
Tras a análise de movementos de persoas vinculadas á distribución de estupefacientes durante o confinamento do COVID19, nos que se detectou que se saltaban as ordes de confinamento sen razóns nin causas xustificativas para a súa saída, intensificando a súa actividade ilícita no momento da desescalada, ata tal punto que se fornecían de provincias como Guipuzcoa, de onde procedía a partida máis cuantiosa que precipitou a explotación da operación.
Tras varios meses de investigación, logrouse identificar aos principais integrantes da rede que foron finalmente detidos e privados dos beneficios do tráfico ilícito.
Así, coordinados co Xulgado de Instrución dous de Mondoñedo, concretouse a primeira detención, un veciño de Eibar (Guipuzcoa) de 41 anos de idade, quen se dirixía a Mariña, con seis kgs de hachis, perfectamente ocultos na roda de reposto do turismo no que viaxa con tres das súas fillas menores, a fin de ocultar a natureza ilícita da viaxe ante un posible control “covid”.
Para detectar e acceder ao estupefaciente foi necesario un exhaustivo rexistro do vehículo, no que participou o Servizo Cinolóxico da Garda Civil.
A persoa detida contaba coa colaboración dos presuntos destinatarios, os cales varrían a zona ao obxecto de detectar presenza policial nas entradas ás localidades da Mariña, indicando os mellores días para acceder á comunidade autónoma e descartando nos que se sucederon controis na autovía A-8.
Na fase de explotación procedeuse á detención dun veciño de Foz, de 36 anos de idade, presunto destinatario para a súa distribución do estupefaciente intervido e quen se encargaba das contra-vixilancias policiais.
Tras estas detencións realizouse un rexistro na vivenda deste último no que se atoparon máis substancias das mesmas características aprehendidas na actuación inicial e diñeiro presuntamente procedente do enriquecemento ilícito.
Nunha segunda fase procedeuse á detención de dous veciños de Foz, de 40 e de 42 anos e un veciño de Barreiros (Lugo) de 43 anos.
No caso destes dous últimos fóronlles intervidos cocaína e haxix, dispostos para a venda, achados tanto no momento da súa detención como nos dous rexistros levados a cabo nas localidades de Foz e Barreiros.
Precisamente un dos domicilios de Foz era compartido por estas dúas persoas como lugar de seguridade, achándose no rocho o lugar para a pesada, corte e distribución en dose.
Na fase final da operación procedeuse a imputar en calidade de investigado a un veciño de La Caridad (Asturias) de 33 anos de idade, por participar presuntamente nun delito de coaccións, ao compartir cos outros acusados un episodio para recuperar diñeiro procedente do tráfico de drogas e servizos de prostitución.
Tras ser postos a disposición xudicial decretouse o ingreso en prisión de catro dos investigados, dando por finalizada esta operación contra o tráfico de drogas na Mariña Lucense.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
