Mondoñedo, 16 de abril, 2021. ABANCA e o Grupo de Desenvolvemento Rural (GDR) Terras de Miranda veñen de renovar a súa colaboración mediante un novo convenio financeiro que ten como obxectivo atender ás demandas dos empresarios e da creación de emprego e autoemprego no sector servizos, industrial e agrogandeiro e forestal.
O acordo foi asinado esta mañá en Mondoñedo por parte do director de zona de ABANCA na Mariña, Carlos Teijeiro, e o presidente do Grupo de Desenvolvemento Rural G.D.R. Asociación Terras de Miranda, Vidal Martínez-Sierra. Trátase dun documento que reforza a aposta que mantén o banco co sector agrogandeiro e forestal da zona e que pretende, entre outras cousas, contribuír á fixación de poboación no norte da provincia de Lugo.
O convenio aposta pola reactivación económica mediante o crédito, que permitirá aos beneficiarios poñer en marcha novos proxectos e a mellora da competitividade dos actuais. Os asociados do GDR terán acceso a condicións melloradas na contratación de produtos como pólizas de crédito, préstamos persoais, anticipos de subvencións, leasing mobiliario ou avais.
Así mesmo, no convenio inclúese unha oferta específica para os proxectos do sector primario con créditos e préstamos deseñados especificamente para este sector, desconto comercial, confirming ou factoring, así como préstamos e anticipos para as colleitas ou devolución de subvencións.
Os vinculados ao GDR tamén poderán acceder ás vantaxes que ofrece o Programa Cero Comisións de ABANCA, que permite deixar de pagar polo mantemento das contas e tarxetas, pero tamén polas transferencias, ingresos de cheques ou outros servizos habituais. A maiores, o banco pon xestores especializados en seguros ou banca electrónica a disposición de todos aqueles que o soliciten. No convenio faise tamén especial fincapé no financiamento oficial mediante os programas do ICO e as SGR galegas, que o banco tramita con especial dilixencia.
O GDR Terras de Miranda creouse en 2001 co obxectivo de agrupar os intereses de diversos colectivos da comarca da Mariña, que exercen a súa actividade nos sectores servizos, industriais e agrogandeiros e forestais, entre outros. O seu ámbito de actuación abarca os municipios de Alfoz, Barreiros, Burela, Cervo, Foz, Lourenzá, Mondoñedo, Ourol, Ribadeo, Trabada, O Valadouro, O Vicedo, Viveiro e Xove.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo.
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición.
María José Gómez, participou este sábado nos actos de celebración do XI Ribadeo Indiano.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
