Barreiros, 9 de abril, 2021. O Concello de Barreiros fai un chamamento á participación no cribado voluntario organizado polo SERGAS para a prevención da expansión da COVID-19 no noso municipio, derivado do incremento de contaxios producidos nos últimos días.
As persoas que desexen participar no cribado deberán anotarse previamente.
PERSOAS DESTINATARIAS:
. Persoas que desenvolven a súa actividade laboral, profesional ou de voluntariado de cara ao público (persoal da administración; de hostalería, restauración e/ou hospedaxe; supermercados; tendas de alimentación; negocios con atención ao público; transporte público ou privado de viaxeiros; servizos asistenciais, e calquera outro sector análogo).
. Persoas que participaran nos últimos 10 días (desde o 29 de marzo) en actividades grupais de calquera tipo: actos culturais, deportivos e/ou relixiosos, encontros, andainas, comidas ou similares.
. Calquera persoa que considere que a súa actividade pode ser susceptible de contribuír á expansión do virus.
INSCRICIÓNS:
. No correo electrónico cribadobarreiros@gmail.com
. Nos teléfonos 982.31.71.33/982.31.71.37 o luns en horario de 9:30 a 14:30.
DATA LÍMITE PARA A INSCRICIÓN: ata as 14:30 horas do luns 12 de abril de 2021.
DATOS PARA ANOTARSE:
. Nome e apelidos.
. Número de DNI ou NIE.
. Teléfono de contacto.
. Sector no que desenvolve a súa activade laboral, profesional ou de voluntariado ou actividade na que tomou parte.
LUGAR DO CRIBADO: Pavillón de San Cosme.
DATA DO CRIBADO: Martes, 13 de abril de 2021 en horario de mañá.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
